Aýrýlardyń aıyrmashylyǵy týraly dáriger-terapevt Irına Andreeva túsinikteme berdi.
"Aýrý belgilerin (sımptomdaryn) naqty tizbektep berý múmkin emes. Saıyp kelgende, tek koronavırýs testi nemese dáriger anyq-qanyǵyn naqtylaı alady. Alaıda, aıyrmashylyqtar, árıne bar, mysaly, aýrý belgileriniń jıiligine baılanysty", - dep MedıkForým Andreevanyń sózin keltiredi.
Sýyq tıý
Belgileri: murynnan sý aǵý, jótel, tamaqtyń aýrýy.
Sırek oryn alatyn taǵy bir belgileri: joǵary temperatýra nemese asa joǵary temperatýra.
Inkýbasıalyq kezeńi: ınkýbasıalyq kezeń ár túrli bolýy múmkin: eki kúnnen 14 kúnge deıin.
Uzaqtyǵy men juqpalylyǵy: sýyq tıý, ádette bir apta boıynda juqpaly dep sanalady.
COVID-19
Belgileri: jótel, murynnan sý aǵý, tamaqtyń aýrýy, deneniń qyzýy.
Sondaı-aq paıda bolýy múmkin taǵy bir belgileri: bas aýrýy, deneniń aýyrýy, jalpy álsizdik, entigý.
Sırek oryn alatyn taǵy mynandaı belgiler bolýy múmkin, mysaly: júrektiń aınýy, ishtiń ótýi, ıaǵnı dıareıa, konúnktıvıt, teriniń bórtýi, lımfa túıinderiniń isinýi.
Uzaqtyǵy: aýrýdyń júrý uzaqtyǵy onyń aýyrlyǵyna baılanysty.
"Aýrýdyń jeńil jáne ortasha aýyr túriniń belgileri paıda bolǵannan keıin 10 kúnnen soń juqtyrý qabileti aıtarlyqtaı tómendeıdi. Alaıda, keıbir aýyr naýqastarda aýrý bastalǵannan 8-15 kún ótkennen soń jaǵdaıdyń nasharlaýy baıqalady", – dep túsindiredi Andreeva.
Tumaý
Belgileri: Sýyq tıý belgileri koronavırýs ınfeksıasyna uqsas bolǵanymen, tumaýdyń belgileri olardan aıtarlyqtaı erekshelenedi.
Tumaý belgileri: qalshyldaý, bas aýrýy jáne/nemese óne-boıdyń aýrýy.
Sondaı-aq taǵy mynandaı belgiler de kórinis tabýy múmkin: aýyz japtyrmaıtyn qurǵaq jótel, jalpy álsizdik, ter basý, murynnan sý aǵý, júrektiń aınýy, qusý, dıareıa.
Inkýbasıalyq kezeńi: qysqa jáne ortasha eseppen 1-2 kún.
Uzaqtyǵy jáne juqpalylyǵy: aýrýdyń uzaqtyǵy ádette 5-7 kún. Alaıda, aýrý asqynǵan jaǵdaıda naýqastarda aýrý belgileri paıda bolǵannan keıin shamamen 3-10 kúnnen keıin nasharlaý jıi kezdesedi.
"Ásirese egde jastaǵy adamdar qatty japa shegedi. Tumaýmen aýyratyn naýqastarda aýrýdyń alǵashqy belgileri paıda bolǵannan keıin bir apta boıynda juqpalylyǵy saqtalady".