Qatty otyn paıdalanatyn monshalar men saýnalar atmosferalyq aýanyń lastaný kózine aınalýy múmkin. Osyǵan baılanysty Almaty qalasynyń atmosferalyq aýa sapasyn jaqsartý jónindegi is-sharalar jospary aıasynda «Eco Almaty» JSHS qyzmetkerleri atalǵan nysandardy josparly profılaktıkalyq maqsatta aralady. Bul týraly megapolıstiń Ekologıa jáne qorshaǵan orta basqarmasynyń ókilderi aıtty.
Almatyda shamamen 400-ge jýyq monsha men saýna bar. Alaıda olardyń bir bóligi mindetti ekologıalyq tekserýden ótpeı, ıaǵnı tıisti ekologıalyq ruqsattarsyz jumys istep keledi.
Profılaktıkalyq is-sharalar barysynda «Eco Almaty» mamandary nysan ıelerine ekologıalyq zańnama talaptaryn, ekologıalyq tekserýden ótýdiń mańyzyn, shyǵaryndylardy esepke alý qaǵıdalaryn jáne qorshaǵan ortaǵa áserdi azaıtý joldaryn túsindiredi.
Mundaı jumystyń negizgi maqsaty – zańbuzýshylyqtardyń aldyn alý, ekologıalyq táýekelderdi tómendetý jáne qala aýasynyń jaı-kúıine jaýapty kózqaras qalyptastyrý. Profılaktıka yqtımal máselelerdi aldyn ala anyqtaýǵa múmkindik berip, Almatydaǵy ekologıalyq ahýaldy jaqsartýǵa yqpal etedi.