Úkimet jumysynyń 2025 jylǵy qorytyndysy boıynsha baspasóz konferensıasy barysynda energetıka mınıstri Erlan Aqkenjenov Memleket basshysynyń eldiń resýrstyq bazasyn nyǵaıtý jáne gaz ınfraqurylymyn damytý jónindegi tapsyrmalarynyń oryndalý barysy týraly habardar etti, dep habarlaıdy Aqshamnews.kz tilshisi Úkimet baspasózine silteme jasap.
Vedomstvo basshysy energetıkalyq qaýipsizdikti qamtamasyz etý mindeti Prezıdent belgilep bergen strategıalyq prıorıtet bolyp qala beretinin atap ótti.
Esepti kezeńde Qaıyrgeldi, Tuzkól jáne Tasbolat jańa úsh gaz ken oryny paıdalanýǵa berilgen. Tasbolat ken ornyn iske qosý Mańǵystaýdaǵy Qazaq gaz óńdeý zaýytynyń qýatyn tolyqtyrýǵa múmkindik berdi.