Almaty ákimdiginiń ǵımaratyn qalpyna keltirýde órtke tózimdi materıaldar paıdalanyldy
Bul týraly bas merdiger, «Atrıks-Stroı» JSHS qurylys kompanıasynyń dırektory Ámirjan Nábıev aıtyp berdi, dep habarlaıdy almaty-akshamy.kz
Qańtar oqıǵasy kezinde ákimdik ǵımaraty tórt kún boıy órtendi. Parket, aǵash esikter, terezeler otqa orandy. Qazir janbaıtyn alúmını terezeler ornatyldy, barlyq qabatta janbaıtyn plıtka qoıyldy. Barlyq materıal otqa tózimdi. Búginde órt sóndirý júıeleriniń ózi órtti qysqa merzimde, tipti adamnyń qatysýynsyz da oqshaýlaýǵa múmkindik beredi. Munyń bári avtomatty túrde jumys isteıdi.
Bul birinshi sanatty qamtamasyz etý ǵımaraty: onyń eki esigi bar, dızel generatory túrindegi balama qýat kózi de bar. Buǵan qosa, tipti kúrdeli jaǵdaıdyń ózinde búkil júıeniń avtonomdy jumys isteýine múmkindik beretin úzdiksiz júıeler ornatylǵan. Ári mundaǵy úsh pavılon avtonomdy jáne táýelsiz jasalǵan. Buryn bári bir júıede bolatyn.