Almatyda alǵashqy Ortalyq Azıa fýtbol forýmy – CAFF-2025 ótti. Halyqaralyq is-sharaǵa Qazaqstan, Qyrǵyzstan, Ózbekstan, Tájikstan jáne Belarýs memleketteriniń fýtbol men fýtzal ókilderi qatysty.
Forýmnyń bas uıymdastyrýshysy Jibek Isaeva fýtbol álemniń túkpir-túkpirindegi adamdardy biriktiretin sport túri ekenin atap ótti.
"Bizdiń forým Halyqaralyq fýtbol kúnine oraı uıymdastyryldy jáne fýtboldy damytý men keńinen nasıhattaý úshin kórshilerimizben kúsh-jigerdi biriktirýge baǵyttalǵan. Forýmǵa qatysýshylardyń barlyǵy munda tájirıbe almasyp, ózderine paıdaly aqparat ala alady", – dedi ol.
Al Tájikstan fýtbol federasıasyny ókili Ramazon Mırzoev mundaı is-sharanyń óńirdegi fýtbol deńegeıin arttyrýǵa kómeksetetinin aıtty.
"Fýtzaldan «Qaırattyń» jetistikteri, fýtboldan ÝEFA Chempıondar lıgasyna «Qaırattyń» óner kórsetýi, Ózbekstan quramasynyń 2026 jylǵy álem chempıonatyna joldama alý – osy jetistikterge kórshilerimizdiń qalaı jetken biz úshin árdaıym qyzyqty ári paıdaly. Biz fýtbolǵa qatysty ortaq qyzyǵýshylyqtardy anyqtadyq jáne endi baýyrlas halyqtardyń ókilderin óz jerimizde kórgimiz keledi. Almatyda qoldaý tapqan josparlardyń qatarynda kelesi jyly medıa-juldyzdary qatysatyn týrnır ótkizý bar", – dedi ol.
Jalpy forým barysynda kásibı fýtbol klýbtary men halyqaralyq federasıalardyń damý strategıalary, balalar-jasóspirimder jáne áleýmettik fýtbol akademıalary, jas oıynshylardy daıyndaý, ınovasıalar jáne tehnologıalar, Digital sheshimder talqylandy.