Qazaqstan Tótenshe jaǵdaılar mınıstrligi qys mezgilinde aýa raıy kúrt nasharlaǵan kezde saqtyq sharalaryn kúsheıtip, daýyldy eskertýlerdi qadaǵalaýǵa jáne múmkindiginshe alys saparlarǵa shyqpaýǵa shaqyrdy, dep habarlaıdy AqshamNews.kz tilshisi TJM málimdemesine silteme jasap.
TJM málimetinshe, qolaısyz aýa raıy kezinde aýyl turǵyndaryna uzaq saparlardan bas tartý usynylady. Daýyldy eskertýler men avtojoldardyń jabylýy týraly aqparat turǵyndarǵa SMS-habarlamalar, ınternet-resýrstar jáne áleýmettik jeliler arqyly jetkiziledi.
Mınıstrlik qysqy kezeńde áli qatpaǵan muzdyń qaýipti ekenin eskertip, sý aıdyndarynda qaýipsizdik talaptaryn qatań saqtaýǵa shaqyrdy.
Qys mezgilindegi tótenshe jaǵdaılarǵa jedel den qoıý úshin 44 myńnan astam adam men 14 myńnan astam tehnıkadan turatyn kúsh-quraldar toby daıyndalǵan. Óńirlerde 1 681 jylytý pýnkti ázirlenip, qosymsha retinde 40 trassalyq medısınalyq-qutqarý pýnkti de jylytý orny retinde paıdalanylmaq.