Erkin kúresten Olımpıada oıyndarynyń qola júldegeri Dáýlet Shabanbaıǵa qatysty is boıynsha sot prosesi aıaqtaldy, dep habarlaıdy AqshamNews.kz tilshisi.
İs materıaldarynda aıyptalýshynyń bıyl qyrkúıek aıynda Ulttyq ulannyń úsh áskerı qyzmetkerine kúsh qoldanǵany aıtylady. Ol keshki saǵat 21:00 shamasynda dámhana mańynda toqtatqan patrúlderdiń suraqtaryna balaǵat sózben jaýap berip, kúsh kórsetken.
Atap aıtqanda bireýin keýdesinen ıterse, narád bastyǵyn ıyǵynan qaǵyp jibergen.
Al úshinshisiniń kózinen urǵan.
Pavlodar soty sportshyny kináli dep taný týraly qaýly shyǵaryp, úsh jylǵa bas bostandyǵynan aıyrdy. Dáýlet Shabanbaı jazasyn orta qaýipsizdikke ıe mekemede óteıtin bolady.