Táýelsizdik merekesi qarsańynda Almaty qalasynyń Qylmystyq-atqarý júıesi departamentine qarasty №11 mekemede «Táýelsizdik dep soǵady júregimiz» degen taqyryppen kesh uıymdastyryldy. Oǵan muryndyq bolǵan №3 jalpy bilim beretin mekteptiń ustazdary.
«Iá, bul mekemede, ıaǵnı balalar kolonıasynda bas bostandyǵynan aıyrylǵan jasóspirimder jazasyn óteýde. Biraq olardyń da merekeni atap ótýge, Táýelsizdiktiń qalaı kelgenin, sonaý Jeltoqsan oqıǵasynyń mán-maǵynasyn bilýge quqyly. Osyndaı keshter arqyly olar memleket qamqorlyǵyn sezinedi, osynaý beıbit ómirdiń qadir-qasıetin túısinedi, jaqsy bolýǵa umtylady, qateligin túzeýge tyrysady dep senemiz», – deıdi keshti uıymdastyrýshy hımıa pániniń muǵalimi G.Kúreńbaeva.
İs-sharada Alataý aýdanynyń «Zará-Vostok» meshitiniń bas ımamy Qazbek Pazylbekuly da jazaly jasóspirimderdi azamat bolýǵa shaqyryp, tilegin arnady. Táýelsizdik merekesiniń qurmetine balalarǵa jyly keýdeshe, kúrtesheler, aıaq kıimder syılady. Jáne merekelik dastarhannyń ústine qoıylsyn dep tátti palaý, jemis-jıdek kótere kelipti.
İs-shara sońynda SÁPTJB bastyǵy ádilet kapıtany Sholpan Aıbolatqyzy meımandarǵa mekeme bastyǵynyń atynan «Alǵys hat» usyndy.