Almatynyń ruhanı ómírínde taǵy bír mańyzdy qadam jasaldy. Táuelsízdík kúní qarsańynda qalada oqyrmandarǵa arnalǵan jańa, zamanauı kítaphana saltanatty túrde ashyldy.
Jańa mádenı nysannyń ashylu rásímíne Almaty qalasy ákímíníń orynbasary Abzal Núkenov qatysyp, qala tūrǵyndaryn merekemen qūttyqtady. Ol kítaphananyń tek bílím ordasy ǵana emes, qala ómíríníń mańyzdy ruhanı keńístígíne aınalatynyn atap óttí.
Jańa kítaphana qala ákímdígí men Mádenıet basqarmasynyń qoldauymen íske qosyldy. Būl – Almatydaǵy 29-shy kítaphana. Ol tsıfrlyq tehnologıya men ūlttyq ruhanı mūrany ūshtastyrǵan zamanauı formatta jūmys ísteıdí. Kítaphana barlyq jastaǵy tūrǵyndarǵa, sonyń íshínde múmkíndígí shekteulí jandarǵa tolyq qoljetímdí.
Almaty qalasy Mádenıet basqarmasynyń basshysy Danıyar Alıevtíń aıtuynsha, jańa kítaphana Táuelsízdík merekesí qarsańynda ashylyp otyr.
"Búgínde qala boıynsha 28 kítaphana jūmys ísteıdí, al būl – 29-shy. Kítaphana Bostandyq audanynda, qolaıly jerde ornalasqan. Mūnda balalarǵa arnalǵan arnaıy aımaq, studentterge arnalǵan zaldar, jınalys pen kezdesuler ótkízetín bólmeler, joǵary jyldamdyqty ınternet zaldary bar. Kítap qory – 20 myńnan asady. Jyl sońyna deıín taǵy ekí kítaphana ashu josparlanyp otyr. Kelesí jyly da būl jūmys jalǵasyn tabady", – dedí ol.
Kítaphananyń jalpy aumaǵy shamamen 500 sharshy metrden asady. Nysan ınklyuzıvtí talaptarǵa tolyq saı jabdyqtalǵan. Mūnda oqu zaly, konferents-zal, arnaıy jūmys oryndary qarastyrylǵan. Kítaphana kelushílerge tegín Wi-Fi qyzmetín ūsynady.
Ortalyqtandyrylǵan kítaphana júıesíníń dırektory Meıram Bektenbaevtyń aıtuynsha, būl fılıal qala tūrǵyndary úshín jańa mádenı ortalyqqa aınalmaq.
"Kítaphana barlyq sanattaǵy tūrǵyndarǵa arnalǵan. Mūnda kítap oquǵa, konferentsıyalar men kezdesuler ótkízuge, balalardy alyp keluge múmkíndík bar. Kítaphana aptanyń jetí kúní, tańǵy 9:00-den keshkí 20:00-ge deıín jūmys ísteıdí. Qor jyl saıyn tolyqtyrylyp otyrady", – dedí ol.
Jańa kítaphana – Almatynyń mádenı ómírín baıytyp, qala tūrǵyndaryna bílím men shabyt syılaıtyn taǵy bír mańyzdy ruhanı oshaq.