«Órleý» BAUO» AQF «Almaty qalasy boıynsha Kásibı damý ınstıtýty» 2025 jylǵy 12 jeltoqsanda orta, tehnıkalyq jáne kásiptik bilim berý uıymdarynyń pedagogterine arnalǵan «STEM – pedagog» taqyrybyndaǵy respýblıkalyq baıqaý ótkizdi.
Baıqaýdyń mısıasy – pedagogterdiń tıimdi ári jańashyl tájirıbesin qoldaý jáne taratý arqyly bilim berý sapasyn arttyrýǵa yqpal etý.
Respýblıkalyq baıqaýdyń negizgi maqsaty – STEM-bilim berý salasyndaǵy pedagogterdiń ınovasıalyq tájirıbesin anyqtaý, qoldaý jáne nasıhattaý.
Jobanyń talaptaryna sáıkes, qatysýshylar STEM ádisnamasynyń negizgi komponentterin (ǵylym, tehnologıa, ınjenerıa, matematıka) qoldana otyryp, ınovasıalyq ıdeıalar men naqty praktıkalyq nátıjeler usyndy. Sondaı-aq oqýshylardyń zertteýshilik, shyǵarmashylyq jáne tehnologıalyq daǵdylaryn damytýǵa, ekologıalyq, áleýmettik jáne kásiptik baǵdar berýge erekshe nazar aýdaryldy.
Úzdik STEM-pedagogterdiń tájirıbeleri jınaqtalyp, respýblıka kóleminde taratyldy.
Baıqaýǵa Qazaqstannyń barlyq óńirinen 100-den astam pedagog qatysty.
Jeńimpazdar men júldegerler tórt baǵyt boıynsha anyqtalyp, dıplomdarmen jáne baǵaly syılyqtarmen marapattaldy:
– İ oryn – 4 pedagog;
– İİ oryn – 4 pedagog;
– İİİ oryn – 4 pedagog.
Jeńimpazdardy jetistikterimen quttyqtaımyz.
Úzdik joba avtorlarynyń jumystary respýblıkalyq ádistemelik jınaqqa engiziletin boldy. Osy baıqaý barysynda jeńimpaz atanǵan ustazdar qaýymyna «Arman-PV» baspasy qoldaý bildirip, qundy kitaptardy syıǵa tartty.