Mastercard kompanıasynyń málimetinshe, 2025 jyly qańtar–qarasha aralyǵynda sheteldik týrıser Almaty qalasyndaǵy túrli oryndar men kórikti jerlerge joǵary qyzyǵýshylyq tanytqan.
Eń tanymal baǵyt retinde Shymbulak taý shańǵy kýrorty tirkelip, onyń úlesi 30,62% boldy. Bul týraly Almaty qalasynyń Týrızm basqarmasynyń ókilderi aıtty.
Týrıser arasynda suranysqa ıe ózge oryndar qatarynda: Úlken Almaty kóli – 7,84%, Medeý – 6,24%, MEGA saýda-oıyn-saýyq ortalyǵy – 5,52%, Arbat – 4,64%, Sharyn shatqaly – 4,35%, Ortalyq mádenıet jáne demalys saıabaǵy – 4,35%, Kólsaı kóli – 3,92% bar.
Mádenı-tarıhı jáne rýhanı nysandar ishinde kósh bastap turǵandar: Kóktóbe – 12,8%, Voznesenskıı shirkeýi – 12%, Qazaqstan Respýblıkasynyń Ortalyq memlekettik mýzeıi – 7,2%, Kók bazar – 6,4%, Tuńǵysh Prezıdent saıabaǵy – 4%, Yqylas atyndaǵy halyq mýzykalyq aspaptar mýzeıi – 4%, Almatynyń Ortalyq meshiti – 3,2%.
Atalǵan derekter týrıser qyzyǵýshylyǵynyń alýan túrli ekenin jáne qalanyń biregeı mádenı murasyna degen nazardyń joǵary ekenin kórsetedi. Týrızm basqarmasynda atap ótkendeı, Almaty taýlary týrıser úshin negizgi oryn bolyp qala beredi. Al «Shymbulaq» pen «Oı-Qaraǵaı» kýrorttaryn aspaly joldar men jaıaý baǵyttar jelisi arqyly biriktirý týrıserdi bólýge, demalys úshin qolaıly ári qaýipsiz orta qalyptastyrýǵa, sondaı-aq Almatynyń halyqaralyq týrısik ortalyq retindegi tartymdylyǵyn kúsheıtýge múmkindik beredi.
Buǵan deıin habarlanǵandaı, bıylǵy jyldyń úsh toqsanynda Almatyǵa 563 myń sheteldik týrıs kelgen. Bul ótken jyldyń osy kezeńimen salystyrǵanda 11% joǵary. Jyl sońyna deıin sheteldik týrıser sany 750 myń adamǵa jetedi dep boljanyp otyr.