«Táýelsizdik urpaqtary»: Almaty jastaryn ınovasıalyq jáne shyǵarmashyl ıdeıalar baıqaýyna qatysýǵa shaqyrady
«Táýelsizdik urpaqtary» granttaryn berý jobasy Almaty qalasynyń turaqty turǵyny bolyp tabylatyn 14 pen 35 jas aralyǵyndaǵy jastar bastamalaryn júzege asyrýǵa baǵyttalǵan. İs-shara uıymdastyrýshylary Almaty qalasynyń óńirlik komýnıkasıalar qyzmetinde ótken brıfıń barysynda baıqaý jóninde tolyǵyraq aıtyp berdi, dep habarlaıdy almaty-akshamy.kz
2023 jyldan bastap granttar alǵash ret óńirlik deńgeıde beriletin bolady. Baıqaýǵa ótinimder 2023 jyldyń 15 tamyzy men 10 qazany aralyǵynda qabyldanady.
“Qazirgi ýaqytta Almaty qalasynyń jastar saıasaty basqarmasynyń qoldaýymen “Almaty Stýdentter Alánsy” korporatıvtik qory qala jastaryna arnalǵan “Táýelsizdik urpaqtary” granttaryn berýge konkýrs jarıalady. Atap aıtqanda, joba Almaty qalasynyń turaqty turǵyny bolyp tabylatyn 14 pen 35 jas aralyǵyndaǵy jastar bastamalaryn iske asyrýǵa baǵyttalǵan”, - dedi granttardy berý jónindegi is-sharany uıymdastyrý jobasynyń jetekshisi Shyryn Tlenchıeva.
Granttar jańa ıdeıalar men bastamalardy iske asyrý úshin konkýrstyq negizde mynadaı baǵyttar boıynsha beriledi:
1. “Ǵylym” - ǵylymnyń basym sektorlarynda jańa ǵylymı jobalar men zertteýlerdi iske asyrý úshin;
2. “Mádenıet” - Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrý úshin;
3. “Aqparattyq tehnologıalar” - jańa IT-sheshimder men jobalardy, onyń ishinde startap-jobalardy iske asyrý jáne ázirleý úshin;
4. “Bıznes” - ekonomıkanyń basym sektorlarynda jańa bıznes-ıdeıalardy iske asyrý úshin;
5. “Medıa” - jańa medıa-jobalardy, onyń ishinde jastar úshin tanymdyq, paıdaly, qyzyqty kontent qurý jónindegi jobalardy iske asyrý úshin.
Granttyń mólsheri men sany ár baǵyt boıynsha anyqtalady. Bir granttyń mólsheri 1 mln teńgeni quraıdy. “Ǵylym”, “Aqparattyq tehnologıalar” jáne “Bıznes” baǵyttary boıynsha 3 jeńimpazdan, al “Mádenıet”, “Medıa” baǵyttary boıynsha 2 jeńimpaz anyqtalady. Jalpy konkýrs aıasynda 13 úmitkerdiń jeńimpaz atanýǵa múmkindigi bar.
Jalpy konkýrs eki kezeńde ótkiziledi:
- I kezeń - ýákiletti organnyń konkýrstyq ótinimderdi qabyldaýy jáne talaptarǵa sáıkestigin qaraý;
- II kezeń - konkýrstyq ótinimderdi baǵalaý jáne konkýrs jeńimpazdaryn anyqtaý.
“Grant berýdiń maqsaty belsendi shyǵarmashyl jastar qaýymdastyǵyn qalyptastyrýǵa baǵyttalǵan jańa jáne qoldanystaǵy jastar bastamalaryn memlekettik qoldaý bolyp tabylady”, - dep atap ótti spıker.
Grant berý mindetteri:
1) talantty jáne talapshyl jastardy qoldaý;
2) eldiń áleýmettik-ekonomıkalyq damýy úshin praktıkalyq qyzyǵýshylyq týdyratyn jastardyń ınovasıalyq jobalary men ǵylymı-tehnıkalyq ázirlemelerin anyqtaý jáne qoldaý;
3) jastardyń jańa jáne qoldanystaǵy startap-jobalaryn iske asyrýǵa járdemdesý;
4) jastar arasynda shyǵarmashylyq qyzmetti tanymal etý.
Konkýrstyq komısıanyń quramyna ortalyq atqarýshy organdar men azamattyq qoǵamnyń ókilderi, ǵalymdar jáne grant baǵyttary boıynsha mamandar men sarapshylar engiziledi. Konkýrstyq komısıanyń otyrystary ashyqtyq, aıqyndyq qaǵıdattarynda, ınternet-resýrstar men áleýmettik jelilerdegi resmı akkaýnttarynda onlaın-translásıa rejıminde ótkiziledi.
Konkýrstyq ótinimder memlekettik jáne orys tilderinde qabyldanady:
1) Jobanyń sıpattamasyn;
2) jobanyń beıne-tanystyrylymyn (60 sekýndtan aspaıtyn);
3) shyǵystar smetasynyń jobasyn;
4) zıatkerlik menshik týraly málimetterdi (bar bolsa) usynýy tıis.
Uıymdastyrýshy konkýrstyq komısıanyń konkýrs jeńimpazdaryn anyqtaý týraly hattamasynyń negizinde konkýrs jeńimpazy banktik shottyń bar-joǵy jáne nómiri týraly anyqtamany usynǵannan keıin konkýrs jeńimpazymen shart jasasady.
Konkýrstyń kámeletke tolmaǵan jeńimpazdary Qazaqstan Respýblıkasynyń Azamattyq kodeksinde belgilengen tártippen shart jasasady.
Grant alýshy 3 aıda bir ret jobanyń iske asyrylý barysy týraly esepti uıymdastyrýshyǵa usynady.
Uıymdastyrýshy kúntizbelik 1 jyl ishinde grant qarajatynyń nysanaly paıdalanylýyna, onyń ishinde grant alýshynyń usynǵan esebi boıynsha monıtorıńti júzege asyrady.
Joba boıynsha tolyq aqparat pen týyndaǵan suraqtarǵa jaýapty “Almaty stýdentter alánsynyń” @qsa_almaty áleýmettik jelisinen alýǵa bolady.