Almaty qalasynyń tótenshe jaǵdaılar departamenti taýda abaı bolýǵa shaqyrdy, dep habarlaıdy Almaty-akshamy.kz.
Almaty qalasy Tótenshe jaǵdaılar departamenti taratqan málimetke sáıkes, qar kóshkini qaýpine baılanysty qaýipsizdikti qamtamasyz etý maqsatynda qazirgi ýaqytta Úlken Almaty kóli men Shymbulaqqa baratyn joldar jabylyp, beketter qoıyldy.
«Medeý» ótkizý pýnktinde, Alma-arasan shatqalynda jáne «Shymbulaq» TSHK úgit-profılaktıkalyq is-sharalar uıymdastyryldy, onda kelýshilerge bıletterdi satý kezinde «qar kóshkini kezindegi is-qımyldar» taqyrybynda jadynamalary tapsyrylýda»,- dep habarlady departamentten.
4 qańtar kúni qar jamylǵysynyń turaqsyz bolýyna baılanysty Úlken jáne Kishi Almaty sý alabynda qar kóshkini júrýi múmkin.
Qutqarýshylar turǵyndardy qar kóshkinin týdyrmaý úshin, taý betkeılerine shyqpaýǵa, sondaı-aq jeke qaýipsizdik sharalaryn saqtaýǵa, taýda jaıaý serýendeýden bas tartýǵa shaqyrady.
Jalpy, Almaty óńiri boıynsha 165 kóshkin qaýpi bar ýchaskeler bar, olardyń ishinde qala turǵyndary men týrıseri úshin eń úlken qaýip «Medeý», «Shymbulaq» TSHK jáne Úlken Almaty kóli aýdanynda ornalasqan 18 kóshkin qaýpi bar ýchaske bar.