Shahardaǵy jaǵdaı turaqty jáne baqylaýda.
Almaty qalalyq polısıa departamenti ótken mereke kúnderinde krımınogendik jaǵdaıdyń turaqty bolǵanyn aıtty, dep habarlaıdy Almaty-akshamy.kz.
Buryn habarlanǵandaı, 2022 jyldyń 25 jeltoqsanynan bastap qalada «Quqyqtyq tártip» jedel aldyn alý is-sharasy ótkizildi.
PD qyzmetteri men bólimsheleriniń jeke quramdary kúsheıtilgen qyzmetke aýystyryldy.
Patrúldik polısıa jasaqtary kúsheıtildi, jaıaý patrúldik baǵyttar ázirlendi.
Azamattardyń jappaı bolatyn nysandaryna, sondaı-aq merekelik jáne oıyn-saýyq sharalaryn ótkizýge arnalǵan oryndarǵa erekshe nazar aýdaryldy.
Qabyldanǵan sharalardyń nátıjesinde aýyr jáne asa aýyr qylmystardyń aldyn alýǵa múmkindik týdy.
Negizinen bótenniń múlkin urlaý basym boldy.
31 jeltoqsan men 3 qańtar aralyǵynda qalada 30 bótenniń múlkin urlaý deregi tirkelip, onyń 24-i «izin sýytpaı» jáne jedel tergeý barysynda ashyldy.
Sonymen qatar, bul kúnderi qalada 2 buzaqylyq, 1 tonaý oryn aldy. Kúdiktiler qylmys ornynda ustaldy.
Sondaı-aq, 2 esirtki qylmysy anyqtaldy.
Jalpy, qaladaǵy jaǵdaı turaqty jáne baqylaýda.