Sońǵy kezderi ınvestısıalyq jobalarǵa qatysty alaıaqtyq jıilep ketken.
Internet arqyly alaıaqtyq jasaý tyıylmaı tur. 2023 jyly elimizde 4,5 myń ınternet alaıaqtyq jasaldy, dep habarlaıdy Almaty-akshamy.kz.
İshki ister mınıstrligi usynǵan málimet boıynsha, 2023 jyly elimizde 4,5 myń ınternet alaıaqtyq jasalǵan. Otandyq bankter men baılanys operatorlary alaıaqtyqtyń jańa túri týraly málimdeme jasaǵan edi. Qylmyskerler qazir eldiń aqshasyn ınternet-messendjerler arqyly úptep ketýge tyrysady eken. Qarjy jobalaryn usynyp, ózin brokermin dep tanystyratyn alaıaqtar da qaptap ketken.
QR İİM asa mańyzdy ister jónindegi aǵa jedel ýákili Aman Áýbákirovtiń aıtýynsha, búginde ınvestısıalyq jobalarǵa qatysty alaıaqtyq jıilep ketken.
«Azamattar jınaǵan aqshalaryn qarjy jobalaryna salamyz dep san soǵyp jatady. Odan ózge áli almaǵan taýaryna nemese qyzmetke aqsha jiberip, aldanyp jatady».