Qubyrdaǵy aqaý jóndelmeı jatyr.
Balqash turǵyndary tórtinshi táýlik sýsyz otyr. Keshe jergilikti ákimdik qala boıynsha sý berý bastalatynyn aıtqan bolatyn. Alaıda kezekti apatqa baılanysty halyq aýyzsýǵa áli qosylǵan joq, dep habarlaıdy Almaty-akshamy.kz QazAqparatqa silteme jasap.
Balqash sorǵy stansıasy aýmaǵyndaǵy magıstraldyq sý qubyrynda iri apat 4 sáýirde bolǵan edi.
Keshe ákimdikte mamandar dıametri 800 mm negizgi qubyrdan dıametri 400 mm aǵyzý qubyrynda ysyrmany bólshektegenin jáne jóndeý jumystary aıaqtalǵanyn habarlady. Qala bıligi sý kezeń-kezeńimen berile bastaıdy dep ýáde berdi.
Búgin Balqash qalasy ákimdiginiń baspasóz qyzmeti 6 sáýirde qalalyq rezervýarlar taza sýmen toltyryla bastaǵanyn, alaıda aıdalatyn sý kólemi ulǵaıǵan kezde bas sorǵy stansıasynda ysyrma keptelip qalǵanyn habarlady.
«Magıstraldyq qubyrdaǵy sý soqqylary men ekpinderdi boldyrmaý maqsatynda Toqyraý bas sorǵy stansıasynan qalanyń taza sý rezervýarlaryna sý berý birtindep ulǵaıtyla otyryp júrgizildi. Sý berý kóleminiń kezekti ulǵaıýy kezinde negizgi sorǵy stansıasynda dıametri 500 mm ysyrmanyń keptelýi oryn aldy. Bul bizge jumys parametrlerine shyǵýǵa múmkindik bermeı jatyr», – delingen habarlamada.
Aýyzsýsyz qalǵan qala turǵyndary úshin tórt sý tasıtyn kólik jumys isteýde. Olardyń biri – Qońyrat shaǵynaýdanynda, ekinshisi – Balqash stansıasynda, taǵy ekeýi barlyq shaǵynaýdan boıynsha júredi.