Qazir osy fakt boıynsha tekserý sharalary júrip jatyr.
Almatyda balalaryn aldyna alyp kólik júrgizip kele jatqan áıel vıdeoǵa túsip qaldy, dep habarlaıdy Almaty-akshamy.kz.
Almaty polısıa departamentiniń baspasóz qyzmetiniń málimetinshe, vıdeo Ál-Farabı dańǵyly boıynda túsirilgen.
Beınejazbada bir bala áıeldiń aldynda, ekinshi bala aldyńǵy jolaýshylar oryndyǵynda otyrǵany kórinedi.
Almaty polısıasy vıdeoǵa qatysty pikir bildirdi.
«Qazir osy fakt boıynsha Almaty PD jergilikti polısıa qyzmeti tekserý sharalaryn júrgizip jatyr. Quqyqbuzýshy mindetti túrde anyqtalyp, zańǵa sáıkes jaýapqa tartylady», - dep túsindirdi Almaty polısıa departamentiniń baspasóz qyzmeti ókilderi.