Bankter otandyq kompanıalarǵa nesıe bermeıdi.
Aýyl sharýashylyǵyn sýbsıdıalaýdyń tıimdiligi óte tómen, gaz baǵasy qymbattaǵannyń kesirinen birqatar kásiporyn jabylyp qalýy múmkin, dep habarlaıdy Almaty-akshamy.kz
"AMANAT" partıasy bıznes-qaýymdastyqtardyń jetekshilerimen keńes ótkizip osyndaı ózekti máselelerdi talqylady. Kásipkerler jumys barysynda kedergi keltiretin budan ózge túıtkilderdi kóterdi. Máselen qosylǵan qun salyǵynyń kóterilýi jappaı qymbatshylyqqa alyp kelýi múmkin.
Bul bıznes ókilderimen qatar halyqqa da aýyr tıedi. Partıalyqtar problemalardy zerttep, eń ózektilerin Úkimet deńgeıinde kóteretinderin aıtty.
"Úılestirý jumystarynyń múlde joq ekenin kórip otyrmyn. Atameken bir suraqty kóteredi. Ol másele mınıstrlikte de, bizde de qozǵalady. Sondyqtan birlese jumys isteý kerek dep esepteımin. Búgin aıtylǵan máselelerdi kópshiliktiń suraýy dep qabyldaýymyz kerek. Sondyqtan problemalardy bizdiń partıanyń alańynda sheshýdi usynamyn.", dedi QR Parlamenti májilisiniń depýtaty, "Amanat" fraksıasynyń jetekshisi Elnur Beısenbaev.