Bas prokýror Berik Asylovtyń aýyzsha jaýaby tyńdalyp jatyr.
Búgin Parlament Májilisiniń jalpy otyrysynda «Jańa Qazaqstan» depýtattyq tobynyń qańtar oqıǵasyna qatysty saýalyna QR Bas prokýrory Berik Asylovtyń aýyzsha jaýaby tyńdalyp jatyr, dep habarlaıdy Almaty-akshamy.kz QazAqparatqa silteme jasap.
«Osydan týra bir jyl buryn qasiretti qańtar oqıǵasy kezinde jazyqsyz jandar qaza boldy. Búgingi jalpy otyrysymyzdy qańtar qurbandaryn bir mınýt únsizdikpen eske alýdan bastaýdy usynamyn», - dedi Májilis tóraǵasy Erlan Qoshanov.
Budan buryn habarlanǵandaı, búgin Parlament Májilisinde qańtar oqıǵasyna qatysty Bas Prokýratýra, İshki ister mınıstrligi jáne Qorǵanys mınıstrligi arnaıy kórme uıymdastyrdy.
Atap aıtqanda, byltyr qańtarda polısıa departamentterinen, qarý-jaraq dúkenderinen urlanǵan qarý men oq-dári jáne basqa da zattar kórmege jetkizilgen. Bul qarý-jaraqtyń barlyǵy jappaı tártipsizdikke qatysqan adamdardan tárkilengen bolatyn.