Almatylyqtarǵa taýda saq bolý eskertildi.
Qazaqstannyń 16 oblysy men astanasynda 5 qańtarda jaýyn-shashyn, burqasyn jáne kóktaıǵaq saldarynan daýyldy eskertý jarıalandy, dep habarlaıdy Almaty-akshamy.kz
«Qazgıdromettiń» málimeti boıynsha, Abaı aýdanynda jaýyn-shashyn (negizinen qar), oblystyń shyǵysy men ońtústiginde qalyń qar jaýady. Oblystyń basym bóliginde burqasyn, kóktaıǵaq boljandy. Jel ońtústik, ońtústik-batystan 15-20, ekpini 23-28 m/s. Semeıde jaýyn-shashyn (negizinen qar), burqasyn, kóktaıǵaq bolady. Ońtústik, ońtústik-batystan soǵatyn jel ekpini 15-20 m/s.
Aqmola oblysynyń batysynda, ońtústiginde, shyǵysynda burqasyn, tuman, kóktaıǵaq bolady. Ońtústik-batystan soǵatyn jel oblystyń batysynda, ońtústiginde, shyǵysynda 15-20, túnde oblystyń shyǵysynda ekpini 23 m/s.
Aqtóbe oblysynyń soltústigi men ońtústiginde kóktaıǵaq bolady. Oblystyń ońtústik-batysynda tuman basady. Ońtústik-batystan jel soǵady, túnde soltústikte, oblys ortalyǵynda jeldiń ekpini - 17 m/s.
Almaty oblysynda 5-6 qańtarda Úlken jáne Kishi Almaty ózenderiniń baseınderinde jaýyn-shashynǵa jáne turaqsyz qar jamylǵysyna baılanysty qar kóshkini júrýi múmkin. Qar kóshkinin týdyrýy múmkin bolǵandyqtan, qar basqan betkeılerge kirý usynylmaıdy. Taýda saq bolyńyz.
Astanada mezgil-mezgil qarly boran soǵady. Túnde ońtústik-batystan soǵatyn jeldiń ekpini 15-20 m/s.
Shyǵys Qazaqstan oblysynda jaýyn-shashyn (negizinen qar), oblystyń soltústigi men shyǵysynda qalyń qar bolady. Oblystyń basym bóliginde burqasyn, kóktaıǵaq boljandy. Ońtústik-shyǵystan soǵatyn jel ońtústikten 15-20, ekpini 23-28 m/s. Óskemende jaýyn-shashyn (negizinen qar), burqasyn, kóktaıǵaq bolady. Ońtústik-shyǵystan soǵatyn jel ońtústikten ekpini 15-20 m/s.
Ońtústikte, Jambyl oblysynyń taýly aımaqtarynda tuman bolady. Ońtústik-batystan soǵatyn jel, oblystyń ońtústik-batysynda, taýly aımaqtarda 15-20, túnde jáne tańerteń ekpini 23-28 m/s. Tarazda keı jerlerde tuman basady. Ońtústik-batystan soǵatyn jel túnde jáne tańerteń ekpini 15-20, keı ýaqytta 23-28 m/s.
Túnde jáne tańerteń ońtústikte, ortalyqta, Jetisý oblysynyń taýly aımaqtarynda tuman, kóktaıǵaq bolady. Ońtústik-batystan soǵatyn jel, oblystyń soltústik-shyǵysynda ekpini 15-20 m/s.
Batys Qazaqstan oblysynyń soltústigi men shyǵysynda tuman, kóktaıǵaq. Oralda da túnde jáne tańerteń tuman, kóktaıǵaq boljandy.
Qaraǵandy oblysynyń soltústiginde, shyǵysynda, ońtústiginde burqasyn, tuman, kóktaıǵaq. Ońtústik-batystan jel soǵady, túnde 15-20, keı ýaqytta ekpini 23-28 m/s, kúndiz soltústikte, oblystyń shyǵysynda ekpini 15-20 m/s jetedi. Qaraǵandyda burqasyn, kóktaıǵaq. Ońtústik-batystan soǵatyn jeldiń ekpini túnde 15-20 m/s.
Qyzylorda oblysynyń soltústiginde tuman, kóktaıǵaq bolady. Ońtústik-batystan soǵatyn jel soltústik-batysqa aýysady, túnde jáne tańerteń oblys ortalyǵynda 15-20 m/s.
Batysta, ońtústikte, Mańǵystaý oblysynyń ortalyǵynda tuman. Oblystyń soltústiginde kóktaıǵaq bolady. Soltústik-batystan jel soǵady, túnde oblystyń ońtústik-batysynda ekpini 15-20 m/s. Aqtaýda túnde tuman basady.
Pavlodar oblysynyń ońtústiginde, shyǵysynda azdaǵan burqasyn, kóktaıǵaq bolady. Ońtústik-batystan soǵatyn jel oblystyń ońtústiginde, shyǵysynda ekpini 15-20 m/s. Pavlodarda baıaý burqasyn, kóktaıǵaq. Ońtústik-batystan soǵatyn jel túnde jáne tańerteń ekpini 15-18 m/s.
Soltústik Qazaqstan oblysynyń basym bóliginde túnde qar jaýady dep boljandy. Oblystyń ońtústik-batysynda tómen qarly boran. Oblystyń batysy men shyǵysynda tuman túsedi.
Túrkistan oblysynyń taýly aımaqtarynda baıaý burqasyn. Ońtústikte, oblystyń taýly aımaqtarynda tuman bolady. Ońtústik, ońtústik-batystan soǵatyn jel, soltústik, batys, oblystyń taýly aımaqtarynda 15-20, túnde jáne tańerteń ekpini 25 m/s. Túrkistanda ońtústik-batystan soǵatyn jeldiń ekpini - 15-20 m/s.
Ulytaý oblysynyń basym bóliginde burqasyn, tuman, kóktaıǵaq. Ońtústik-batystan jel soǵady, túnde 15-20, keı jerlerde ekpini 25 m/s, kúndiz soltústikte, oblystyń shyǵysynda ekpini 15-20 m/s jetedi. Jezqazǵanda burqasyn, kóktaıǵaq. Ońtústik-batystan soǵatyn jel túnde ekpini 15-20 m/s.