Ótken aptada álemde koronavırýs ınfeksıasyn juqtyrýshylar sany 5,8 mıllıonnan asty, bul aldyńǵy uqsas kezeńmen salystyrǵanda 1 mıllıonǵa kóp, dep habarlaıdy Almaty-akshamy.kz QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komısıasynyń Telegram kanalyna silteme jasap.
Keıbir Eýropa elderinde aýrýdyń kúrt ósýi baıqalady. Qazir Fransıada kúnine 150 myńnan astam adam vırýs juqtyrady. Bul eldegi naýryz aıynyń sońynan keıingi eń joǵary kórsetkish. Odan keıin Germanıa, onda kún saıyn 130-140 myń turǵynnan koronavırýs anyqtalady. Úshinshi orynda Italıa, onda kórsetkishter táýligine 100 myń jańa jaǵdaıdan asyp tústi.
«Sondaı-aq, jazdyń basynan beri Ispanıada aýrý eki ese, Avstrıa men Nıderlandyda úsh ese, Gresıada tórt, Belgıada alty ese ósti. Tómendeý tek Portýgalıada baıqalady, al Shyǵys Eýropanyń birqatar elderinde jaǵdaı turaqty»,-delingen habarlamada.