100-den astam adam ýaqytsha baspanaǵa kóshirildi
Ystanbulda tolassyz jaýǵan nóser saldarynan júzdegen turǵyn úıdi sý basty. 100-den astam adam ýaqytsha baspanaǵa kóshirildi, dep habarlaıdy Almaty-akshamy.kz QazAqparat-qa silteme jasap. Jeksenbi kúni qatty nóser saldarynan Ystanbuldyń eýropalyq bóligindegi birneshe aýdanda sý tasqyny boldy. Sý mólsheriniń kóp bolýynan Esenúrt jáne Beıkoz mýnısıpalıtetterindegi kósheler men joldar ýaqytsha jabyldy, basqa aýdandarda qoǵamdyq kólik qozǵalysy buzyldy. Provınsıa gýbernatory Alı Erlıkaıanyń aıtýynsha, tolassyz jaýǵan nóserden 18 aýdanda 134 turǵyn úı, 12 sheberhana, 3 fabrıka jáne bir meshitti sý basqan. Kúni boıy sý tasqyny týraly 797 habar túsken, onyń 266-sy - Esenúrt aýdanynda. Sondaı-aq, Beıkoz aýdanynda shatyrǵa jaı túsip, bes qabatty turǵyn úıden órt shyqqan. Órtti jyldam aýyzdyqtaǵan, biraq ol kórshi úıdi sharpyp úlgergen. Qurbandar men zardap shekkender týraly aqparat ázirge joq.