Málimdemege qatysty Syrtqy ister mınıstri Batmýnhıın Batseseg túsinikteme berdi
Mońǵolıa men AQSH birlesken bıologıalyq zerthana qurý týraly kelissóz júrgizip jatqan joq. Bul týraly Mońǵolıa Syrtqy ister mınıstri Batmýnhıın Batseseg málimdedi, dep habarlaıdy Almaty-akshamy.kz Baq.kz-ke silteme jasap.
Jaqynda Reseıdiń keıbir joǵary laýazymdy sheneýnikteri «Reseı Ýkraınada arnaıy áskerı operasıa júrgizgennen keıin amerıkalyq tarap Mońǵolıamen baılanysqa shyǵyp, bıologıalyq zerthana qurý máselesin talqylady» dep aqparat quraldarynda málimdegen bolatyn.
17 sáýirde Mońǵolıa Syrtqy ister mınıstrligi bul aqparattyń negizsiz jáne shyndyqqa janaspaıtynyn resmı túrde málimdedi.
Osy málimdemege qatysty Syrtqy ister mınıstri Batmýnhıın Batseseg túsinikteme berdi.
Bul aqparat tórt ret reseılik gazette jáne bir ret Qytaıdyń aqparat quraldarynda jarıalandy. Bul aqparattyń jalǵan ekenin málimdegim keledi. Mońǵolıa beıbit, ashyq jáne kópjaqty qoldaý kórsetetin syrtqy saıasatty jalǵastyryp keledi. Qajet bolsa, biz óz qyzmetimizdi reseılik jáne halyqaralyq uıymdarǵa, sondaı-aq jurtshylyqqa usynýǵa daıynbyz. Mońǵolıa qoǵamdyq uıymdarynyń sheteldik ınvestısıa men qarjylandyrýdy tartý arqyly júzege asyrǵan barlyq jobasy, baǵdarlamasy men zertteýi týraly tolyq aqparat bar. Atap aıtqanda, qandaı jobalar adamdardy kúdiktendiretinin muqıat tekserdik, - dedi ol.