Respýblıkada 63 qus fabrıkasy bar
Jumyrtqa óndirýshilerdi qoldaý kólemin arttyrý týraly sheshim qabyldandy. Bul týraly Túrkistan oblysynda ótken respýblıkalyq semınar-keńeste Aýyl sharýashylyǵy mınıstrliginiń basshysy Erbol Qarashókeev málimdedi, dep habarlaıdy Almaty-akshamy.kz Baq.kz-ke silteme jasap.
Álemdik azyq-túlik naryqtaryndaǵy turaqsyz jaǵdaıǵa baılanysty jáne otandyq qus fabrıkalaryn qoldaý, ishki naryqtyń turaqtylyǵyn saqtaý maqsatynda aýyl sharýashylyǵy mınıstrligi jumyrtqa óndirýshilerdi qoldaý kólemin ulǵaıtý týraly sheshim qabyldady.
Aýyl sharýashylyǵy mınıstrligi asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdıalaý qaǵıdalaryna taǵamdyq jumyrtqany sýbsıdıalaýdy engizý bóliginde ózgerister men tolyqtyrýlar engizip jatyr.
Ereje jobasynda jumyrtqa óndirisiniń qunyn arzandatýǵa arnalǵan sýbsıdıalar normatıvin eki ese ulǵaıtý kózdelgen, ol qus fabrıkasynyń qýatyna qaramastan, bir danasyna 3 teńgeni quraıdy. Osylaısha, qoldaý sharasymen elimizdiń barlyq jumyrtqa qus fabrıkalary qamtylatyn bolady, olardy sýbsıdıalaýǵa 6,5 mlrd teńge bólinedi, - delingen ASHM baspasóz qyzmetiniń habarlamasynda.
Respýblıkada 63 qus fabrıkasy bar, onyń ishinde 29 – et jáne 34 – jumyrtqa baǵytynda. 2021 jyldyń qorytyndysy boıynsha otandyq qus fabrıkalary soıys salmaqta 266,8 myń tonna qus etin óndirdi, bul jalpy óndiris kóleminiń 98 % quraıdy. Taýyq jumyrtqasy 3,5 mlrd dana nemese jalpy óndiristiń 74% óndirildi. Qus etimen qamtamasyz etý 66%-dy quraıdy, ımport úlesi 45%-dan 39,5%-ǵa deıin tómendedi. El taǵamdyq jumyrtqamen 98% qamtamasyz etilgen.