Almatynyń №4 qalalyq perzenthanasynyń medısına qyzmetkerleri jumys ornyn I Love KZ sáninde bezendirdi, dep habarlaıdy AqshamNews.kz tilshisi.
Qazaqstan Respýblıkasy Táýelsizdiginiń 34 jyldyǵyna oraı, perzenthanaǵa aıaq basqan sátten-aq ár áıel merekeniń erekshe atmosferasyn sezinesiz. Memlekettik rámizder qabyldaý bóliminen qarsy alyp, akýsherler kógildir túske sándelgen bezendirý aıasynda kelýshilerdi maqtanyshpen qabyldap jatyr.
Bosaný bólimi, balalar bólimi, patologıa bólimi jáne bosanýdan keıingi bólim – ár jumys ornynda elimizdiń memlekettik rámizderi yjdaǵatpen ornalastyrylǵan.
«Jyl ótken saıyn Táýelsizdik kúni basqasha, erekshe seziledi. Biz bárimiz elimizdiń jarqyn bolashaǵy úshin qyzmet etemiz. Kún saıyn kóz aldymyzda Qazaqstannyń jańa azamattary dúnıege keledi. Mereke qarsańynda, sodan keıin de dúnıege kelgen sábılerdiń anasy bul sátti erekshe jylýlyqpen eske alady. Otbasyndaǵy eń mańyzdy oqıǵa Táýelsizdik kúninde oryn alǵanyn maqtanyshpen aıtady», – dep túsindirdi bul ıdeıany perzenthananyń akýsher-gınekology Aınur Imanqulova.
Aıta keteıik, Respýblıka kúnine oraı Almatynyń №4 qalalyq perzenthanasynda nárestelerge I love KZ sánindegi arnaıy brendtelgen kıim syıǵa tartylǵan bolatyn.