Jóndeý jumystary sátti aıaqtalyp, búginde barlyq shekteýler alynyp tastaldy
QR Premer-Mınıstri Álıhan Smaıylov pen KQK bas dırektory Nıkolaı Gorban Kaspıı Qubyr konsorsıýmynyń turaqty jumysyn qamtamasyz etý jáne damytý máselelerin talqylady, dep habarlaıdy Almaty-akshamy.kz.
Premer-Mınıstrdiń nazaryna kompanıanyń 2022 jylǵy óndiristik qyzmetiniń qorytyndylary, aǵymdaǵy jumysy jáne aldaǵy kezeńge arnalǵan josparlary týraly aqparat usynyldy.
Álıhan Smaıylov KQK Qazaqstannyń munaı ónerkásibinde mańyzdy ról atqaratyndyqtan, onyń turaqty jumysy Úkimettiń udaıy nazarynda ekenin atap ótti.
«Ótken jyly teńiz termınalynda aılaq qurylǵylarynyń buzylýyna baılanysty KQK qyzmetinde shekteýler oryn aldy. Jóndeý jumystary sátti aıaqtalyp, búginde barlyq shekteýler alynyp tastaldy. Sonymen qatar aldaǵy ýaqytta mundaı jaǵdaılarǵa jol bermeý úshin barlyq tıisti sharalardy qabyldaý qajet», — dedi Álıhan Smaıylov.
Úkimet basshysynyń pikirinshe, qubyrdyń ótkizý qabiletin arttyrý – mańyzdy másele, bul Qazaqstannan munaıdyń qosymsha kólemin tasymaldaýdy qamtamasyz etýge múmkindik beredi.
Óz kezeginde Nıkolaı Gorban KQK munaı qubyrynyń turaqty jumysyn qamtamasyz etý jáne qoldanystaǵy jabdyqtardyń senimdiligin arttyrý úshin barlyq qajetti sharalar iske asyrylatynyn atap ótti. Sonymen qatar Tar jerlerdi joıý baǵdarlamasyn tabysty iske asyrý nátıjesinde 2022 jyldyń sońynda qubyr júıesiniń ótkizý qabileti Qazaqstan aýmaǵynan jylyna shamamen 72,5 mln tonnaǵa deıin munaı tasymaldaýǵa múmkindik berdi.
Kezdesý qorytyndysy boıynsha Álıhan Smaıylov QR Úkimeti barlyq máselelerdi odan ári pysyqtaýǵa daıyn ekenin atap ótti.