Ótken aptada AQSH boks federasıasynyń ókilderi 2023 jylǵy álem chempıonatyna boıkot jarıalady
Halyqaralyq áýesqoı boks qaýymdastyǵy (AIBA) jeti boks federasıasynan aldaǵy erler men áıelder arasyndaǵy álem chempıonatyna qarsy boıkot jarıalaǵany týraly habarlama aldy, dep habarlaıdy Almaty-akshamy.kz Zakon.kz-ke silteme jasap.
Oǵan sebep - Reseı men Belarýs boksshylarynyń 2023 jylǵy álem chempıonatynda óz týy astynda óner kórsetýine ruqsat berilýi.
Ótken aptada AQSH boks federasıasynyń ókilderi 2023 jylǵy álem chempıonatyna boıkot jarıalady. Sodan keıin bul aksıany Chehıa, Anglıa, Kanada, Ulybrıtanıa jáne Irlandıa boks federasıalary qoldady. Al bir kún buryn olardyń qataryna Shvesıa kelip qosyldy. Shvesıa boks qaýymdastyǵynyń basshysy Per-Aksel Sheholm eger reseılik jáne belarýs sportshylary qatysatyn bolsa, onda olar álem chempıonatyna qarsy jarıalanǵan boıkotqa qosylatyndaryn aıtty, dep habarlaıdy SVT.
"Munda demokratıa da, ashyqtyq týraly da sóz joq. Biz IBA úndeýin qabyldamaımyz. Demokratıa men ashyqtyq joq. Biz ózgerister bolý úshin birneshe jyl talmaı jumys istedik, biraq nátıje shyqpady. Reseı men Belarýs elderin jarystarǵa jiberip, óz týlary astynda óner kórsetýge ruqsat berý týraly sheshimdi olar ózderi qabyldady", - deıdi Shvesıa boks federasıasynyń prezıdenti Per-Aksel Sheholm.
Bokstan áıelder arasyndaǵy 2023 jylǵy álem chempıonaty Úndistanda 15-31 naýryz aralyǵynda, erler arasyndaǵy álem chempıonaty 1-14 mamyr aralyǵynda Ózbekstanda ótedi.