Prezıdent Jarlyǵy boıynsha.
Memleket basshysynyń «Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly» Jarlyǵymen jańadan 5 mınıstrlik quryldy, dep habarlaıdy Almaty-akshamy.kz Aqordaǵa silteme jasap.
Olar:
- Sý resýrstary jáne ırrıgasıa mınıstrligi;
- Kólik mınıstrligi;
- Týrızm jáne sport mınıstrligi;
- Mádenıet jáne aqparat mınıstrligi;
- Ónerkásip jáne qurylys mınıstrligi quryldy.
***
Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly
2023 jylǵy 01 qyrkúıek
Qazaqstan Respýblıkasy Konstıtýsıasynyń 44-babynyń 3) tarmaqshasyna sáıkes memlekettik basqarý júıesin jańǵyrtý jáne onyń tıimdiligin arttyrý maqsatynda QAÝLY ETEMİN:
- Mynalar:
1) Qazaqstan Respýblıkasynyń Ekologıa jáne tabıǵı resýrstar mınıstrligi odan Qazaqstan Respýblıkasynyń Sý resýrstary jáne ırrıgasıa mınıstrligin bólip shyǵarý, oǵan sý qoryn paıdalaný jáne qorǵaý, sýmen jabdyqtaý, sý burý salasyndaǵy fýnksıalar men ókilettikterdi berý jolymen;
2) Qazaqstan Respýblıkasynyń Indýstrıa jáne ınfraqurylymdyq damý mınıstrligi ony:
temirjol, avtomobıl, ishki sý kóligi; saýda maqsatynda teńizde júzý salalaryndaǵy; Qazaqstan Respýblıkasynyń áýe keńistigin paıdalaný men azamattyq jáne eksperımenttik avıasıa qyzmeti; aeronavıgasıa men áýejaılardyń kórsetiletin qyzmetteri salasyndaǵy tabıǵı monopolıalar; áýejaılardyń kórsetiletin qyzmetteri salasyndaǵy qoǵamdyq mańyzy bar naryqtar; avtomobıl joldary salasyndaǵy fýnksıalar men ókilettikter berile otyryp, Qazaqstan Respýblıkasynyń Kólik mınıstrligine;
ındýstrıa jáne ındýstrıalyq damý; ónerkásip; taý-ken metalýrgıa kesheni; elishilik qundylyqty damytý; mashına jasaý; kómir, hımıa, jeńil (aýyl sharýashylyǵy janýarlarynyń terisi men júnin qaıta óńdeýden basqa), aǵash óńdeý jáne jıhaz ónerkásibi; qurylys ındýstrıasy jáne qurylys materıaldaryn óndirý; mashınalar men jabdyqtardyń qaýipsizdigi; salalyq baǵytqa sáıkes hımıalyq ónimniń qaýipsizdigi; ózindik ereksheligi bar taýarlardy baqylaý; energıa únemdeý jáne energıa tıimdiligin arttyrý; baǵaly metaldar óndirisin jáne baǵaly metaldar men asyl tastardyń aınalymyn retteý; quramynda baǵaly metaldar bar shıkizat taýarlary; zergerlik jáne basqa da buıymdar; arnaıy ekonomıkalyq aımaqtardy qurý, olardyń jumys isteýi jáne taratylýy; ýran óndirýdi qospaǵanda, paıdaly qatty qazbalar bóliginde jer qoınaýyn paıdalanýdy memlekettik basqarý; jer qoınaýyn memlekettik geologıalyq zertteý, mıneraldyq-shıkizat bazasyn molaıtý salalaryndaǵy; sáýlet, qala qurylysy jáne qurylys qyzmeti; turǵyn úı qatynastary; komýnaldyq sharýashylyq; eldi mekender sheginde sýmen jabdyqtaý jáne sý burý, jylýmen jabdyqtaý (ortalyqtandyrylǵan jylýmen jabdyqtaý aımaǵynda jylý energıasyn óndirýdi júzege asyratyn jylý elektr ortalyqtary men qazandyqtardan basqa) salasyndaǵy memlekettik retteý; turǵyn úı qurylysyna úlestik qatysý; qorǵanys ónerkásibi; biryńǵaı áskerı-tehnıkalyq saıasatty júrgizýge qatysý; áskerı-tehnıkalyq yntymaqtastyqty júzege asyrý; memlekettik qorǵanystyq tapsyrysty qalyptastyrý, ornalastyrý jáne oryndaý salasyndaǵy fýnksıalar men ókilettikter berile otyryp, Qazaqstan Respýblıkasynyń Ónerkásip jáne qurylys mınıstrligine bólý jolymen;
3) Qazaqstan Respýblıkasynyń Aqparat jáne qoǵamdyq damý mınıstrligi oǵan Qazaqstan Respýblıkasynyń Mádenıet jáne sport mınıstrliginen mádenıet; tarıhı-mádenı mura obektilerin qorǵaý jáne paıdalaný; kınematografıa; memlekettik rámizder; arhıv isi jáne basqarýdy qujattamalyq qamtamasyz etý; elektrondyq qujat aınalymy jáne elektrondyq arhıvter salalaryndaǵy; onomastıka; kreatıvti ındýstrıalar jáne shyǵarmashylyq qyzmet nátıjelerin komersıalandyrý salasyndaǵy fýnksıalar men ókilettikterdi bere otyryp, ony Qazaqstan Respýblıkasynyń Mádenıet jáne aqparat mınıstrligi etip qaıta qurý jolymen;
4) Qazaqstan Respýblıkasynyń Mádenıet jáne sport mınıstrligi ony Qazaqstan Respýblıkasynyń Týrızm jáne sport mınıstrligi etip qaıta qurý jolymen qaıta uıymdastyrylsyn.
- Qaıta uıymdastyrylǵan memlekettik organdar beriletin fýnksıalar ókilettikterge sáıkes qaıta uıymdastyrylatyn memlekettik organdardyń quqyqtary men mindettemeleriniń quqyq mırasqorlary bolyp aıqyndalsyn.
- Qazaqstan Respýblıkasynyń Úkimeti:
1) Qazaqstan Respýblıkasy Prezıdentiniń Ákimshiligimen kelisý boıynsha qaıta uıymdastyrylatyn memlekettik organdar men olarǵa vedimistik baǵynysty uıymdardyń shtat sanyn qaıta bólýdi;
2) osy Jarlyqty iske asyrý boıynsha ózge de sharalardy qabyldaýdy qamtamasyz etsin.
- «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy №6 Jarlyǵyna mynadaı ózgerister men tolyqtyrýlar engizilsin:
1-tarmaqta:
myna:
«Qazaqstan Respýblıkasynyń Mádenıet jáne sport mınıstrligi;» degen jol mynadaı redaksıada jazylsyn:
«Qazaqstan Respýblıkasynyń Týrızm jáne sport mınıstrligi;»;
myna:
«Qazaqstan Respýblıkasynyń Indýstrıa jáne ınfraqurylymdyq damý mınıstrligi;» degen jol alyp tastalsyn;
myna:
«Qazaqstan Respýblıkasynyń Aqparat jáne qoǵamdyq damý mınıstrligi;» degen jol mynadaı redaksıada jazylsyn:
«Qazaqstan Respýblıkasynyń Mádenıet jáne aqparat mınıstrligi;»;
mynadaı mazmundaǵy joldarmen tolyqtyrylsyn:
«Qazaqstan Respýblıkasynyń Sý resýrstary jáne ırrıgasıa mınıstrligi;
Qazaqstan Respýblıkasynyń Kólik mınıstrligi;
Qazaqstan Respýblıkasynyń Ónerkásip jáne qurylys mınıstrligi.».
- Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
- Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń Prezıdenti Q. Toqaev