Joldaýda sý máselesi de Prezıdent nazarynan tys qalmady
Prezıdenttiń Joldaýyn ujymymyzben shyn yqylasymyzben tyńdadyq. Bul Joldaýda óte ózekti máseleler kóterildi. Jol máselesi sóz etildi. Birneshe mınıstrlikterdiń jumysy sóz etilip, jańadan eki mınıstrlik qurýdy usyndy. Sonymen qatar, sońǵy kezderi kóp oryn alyp jatqan ónerkásiptegi qyzmetkerlerdiń qaýipsizdik máselesine erekshe toqtaldy.
Taǵy bir mańyzdy másele - salyq. «Men ekonomıkanyń ártúrli sektorlarynda buryn jarıalaǵan salyq stavkalaryn saralaý óndiristiń kúrdeliligin arttyrýǵa proporsıonaldy túrde salyq júktemesin bólýdi qamtamasyz etýi kerek. Kásipkerler qosylǵan qun salyǵyn qaıtarýdyń kúrdeli prosedýrasyna shaǵymdanady. Bul eldegi ınvestısıalyq ahýaldy aıtarlyqtaı nasharlatady. Úkimet bul eski máseleni tez arada sheshýi kerek», -dep toqtaldy Memleket basshysy.
Al álemdi alańdatyp otyrǵan sý máselesin kóterýi óte oryndy. Sońǵy kezderi klımattyq jaǵdaıǵa baılanysty dúnıejúzinde aýyz sý tapshylyǵy baıqalyp keledi. Onyń sapaly bolýy sý qubyrlaryna baılanysty bolyp otyr. Negizinen sý basty baqylaýda turýy kerek. Al sý qubyrlarynyń tozýy aýyz sý sapasynyń tómendeýine alyp keledi. Sondyqtan sý qoımalaryn kóbeıtip, qubyrlardy jańartýymyz kerek. Endi jańadan Sý resýrstary jáne ırrıgasıa mınıstrligin qurý týraly ıdeıasyn qoldaımyn.
Tabıǵı sýdyń 30 paıyzyn paıdalansaq, 70 paıyzy tabıǵattyń ózine kerek etilýi tıis. Alaıda búgingi tańda úlken qalalarymyzda sý tapshylyǵy qatty sezilýde. Máselen Astana qalasyn salyp jatqan kezde sanıtarlyq dárigerler bes jyldan keıin sý tapshylyǵy paıda bolatyny týraly dabyl qaqqan edi. Qala bolǵan soń adam sany artady. Al mundaǵy sý qory qalanyń bes júz ary barǵanda jeti júz halqyn ǵana qamtamasyz etýge jetedi. Mine, shamada aradan on jyl ótkende mamandardyń aıtqany aıdaı keldi. Sondyqtan ǵalymdardy tartý arqyly kez kelgen joba jospardy júzege asyrsa eken degen oı keldi. Jalpy aıtyldy júzege asyrý kerek degen baǵamda júrýge bolmaıdy. Kez kelgen máseleni jan jaqty qarastyryp baryp sheshken jón. Ótkende Prezıdent Almatynyń sý rezerýaryn kózben kórip, osy jaǵynda aldaǵy ýaqytta qadaǵada ustaýyn tapsyrǵan bolatyn. Demek, ózekti másele Memleket basshysynyń nazarynda ekenin kórýge bolady.