Qazir oqý isinde ǵana emes, basshylyq quramda da boı kórsetip júrgen burymdylar kóp.
Bul týraly Ǵylym jáne joǵary bilim mınıstri Saıasat Nurbek málimdedi. Onyń aıtýynsha, bul eldegi genderlik saıasattyń sátti júzege asyp jatqanyn kórsetedi, dep habarlaıdy Almaty-akshamy.kz 24.kz-ke silteme jasap.
Dál osy másele elordada ótip jatqan Halyqaralyq ǵylymı-konferensıada da jan-jaqty talqylanyp jatyr. Jıynǵa Chehıa, Shveısarıa, Úndistan jáne AQSH ǵalymdary men sarapshylary keldi. Olar eldegi áıelder teńdigi úshin atqarylyp jatqan jumysty joǵary baǵalady. Ásirese, prezıdenttik kandıdattardyń arasynda eki áıel adam bolǵany jaqsy kórsetkish deıdi olar. Resmı kórsetkishterde de serpilis bar ekeni anyq baıqalady. Keleli keńes eki kún boıy ótedi. Konferensıa qorytyndysy boıynsha ǵylymı negizdelgen saraptamalyq taldaý ázirlenedi, ol Úkimet pen ákimdikterge jetkiziletin bolady.
«Qazirgi tańda ǵylymı qyzmetkerlerdiń 54% – áıelder. Osy jyldan bastap genderlik aspektini qolǵa alyp jatyrmyz. Qazir áıelderdiń ǵylymǵa degen belsendiligi kúsheıip kele jatyr», - deıdi QR Ǵylym jáne joǵary bilim mınıstri Saıasat Nurbek.