Qaryz 11,5 jylǵa beriledi.
Senat depýtattary "Halyqaralyq qaıta qurý jáne damý bankinen qaryz alý týraly" zańdy qabyldady, dep habarlaıdy Almaty-akshamy.kz
Qujat Prezıdenttiń qol qoıýyna jiberildi. Qaryzdyń jalpy somasy - 345 mln 700 myń eýro. Mólsherlemesi - 2,5 paıyz. Qaryz 11,5 jylǵa beriledi. Barlyq aqsha búdjet tapshylyǵyn jabýǵa jumsalady. Sonyń ishinde densaýlyq, bilim, áleýmettik sala jáne qaýipsizdik sharalary bar.
Qarjy mınıstri Erulan Jamaýbaevtyń aıtýynsha, qaryz úlken jeńildikpen alynyp otyr.
«Mysaly, qazir osyndaı qaryzdy eýrooblıgasıa nemese basqa quraldar arqyly tartatyn bolsaq, mólsherlemesi 5 prosentten joǵary bolatyn edi. Bize 2,5 prosenttiń shamasynda berip otyr. Negizi, bizde qaryzdyń 90 paıyzy ishki naryqtan alynady. Degenmen, qazir bazalyq stavka kóterildi. Sondyqtan aýyrtpalyǵy joǵary qaryzdy alýdy qajeti joq dep sheshtik», - dedi Jamaýbaev.
Onyń sózine qaraǵanda, Úkimettiń qaryzdary qaýipsiz deńgeıde jáne ishki jalpy ónimniń 23 paıyzynan aspaıdy.