BRT jelisi aıaqsyz qaldyrylmaıdy.
BRT jobasy 5 jylda aıaqtalmady, qazir rettelmeıtin jerasty ótkelderi jáne avtobýs marshrýttarynyń júris aralyǵynyń bolmaýy syndy aıqyn máseleler bar. Bul týraly qala ákimi Almaly aýdanynyń turǵyndarymen kezdesý kezinde suraqqa jaýap bere otyryp aıtty, dep habarlaıdy Almaty-akshamy.kz.
«Birer kún buryn BRT jelisi arqyly avtobýspen júrdim. Men 32-shi marshrýtty 33 mınýt kúttim, óıtkeni sol kúni 4 avtobýs jolǵa shyqpady. Sebebi, qalada avtobýstar jetispeıdi. Muny sheshý úshin bıyl jáne kelesi jyly 300 jańa avtobýs pen 100 troleıbýs satyp alynady», - dedi qala ákimi Erbolat Dosaev.
Ákimniń aıtýynsha, klasıkalyq joǵary jyldamdyqty BRT jelisi Tımırázev-Baıtursynov kósheleriniń qıylysynan bastalyp, arnaıy jolaq ornalasqan jerge deıin júredi, al osy ýaqytqa deıin avtobýstar oń jaq jolaqpen júrip, árbir baǵdarshamda turyp qalatyn.
«Túıtkilder bar jáne biz olardy birge sheshemiz. Aıaqtalǵan jumysty eshkim joqqa shyǵarmaıdy. BRT jelisin aıaqsyz qaldyrmaımyz», - dedi qala ákimi.