Mektep asqanalarynyń sapasy kóteriledi.
Almaly aýdanynyń turǵyny qala ákimi Erbolat Dosaevtan mektep asqanasyna tekserý júrgizýin surady, dep habarlaıdy Almaty-akshamy.kz QazAqparatqa silteme jasap.
Almaly aýdany turǵyndary atynan kelgen Áset Ońalbaev qala ákiminen mektep asqanalaryn tekserý kerektigin aıtty.
«Qazir Almatydaǵy bastaýysh synyp oqýshylary tegin ystyq tamaqpen qamtyldy. Ol úshin úlken rahmet aıtamyz. Alaıda, qazir mektep asqanasy bir oqýshyǵa beriletin 60-80 gr etti 8-10 gramǵa deıin qysqartyp tastady. Jarıalanǵan moratorıı bar túsinem. Desekte, tekserý júrgizý kerek. Ózińiz, bilim jáne kásipkerlik basqarmasy osy máseleni qarastyrsańyzdar»,- dedi qala turǵyny.
Erbolat Dosaevtyń aıtýynsha, tekserý júrgizý boıynsha qıynshylyqtar bar. Qazir mektep asqanasyn ata-analar komıteti qarap jatyr.
«Jańa jyldan bastap búdjetten shamamen 20 mlrd teńgege jýyq qarjy bólinedi. Mektep asqanalarynyń sapasyn kóteremiz»,- dep jaýap berdi qala basshysy.
Buǵan deıin Almaty kásipkerleri oqýshylardy tegin tamaqtandyrýǵa bólingen qarajat shyǵyndy aqtamaıtynyn aıtqan bolatyn.