Olarǵa 4 mlrd 448,6 mln teńge tólendi.
Jyl basynan beri Qazaqstandańy eńbek ınspektorlary 19 myńǵa jýyq adamnyń quqyǵyn qorǵady, dep habarlaıdy Almaty-akshamy.kz.
"Bıylǵy jylǵy 1 jeltoqsandaǵy jaǵdaı boıynsha, memlekettik eńbek ınspektorlary respýblıkanyń 855 kásipornynda 19,7 myń jumyskerdiń aldyndaǵy 4 mlrd 670,2 mln teńgeden astam somaǵa jalaqy boıynsha bereshekti anyqtady",- delingen Eńbekmıni baspasóz qyzmetiniń habarlamasynda.
Osy kásiporyndardyń basshylaryna oryndalýy mindetti 865 nusqama berilip, 140,8 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 18,4 myńnan astam jumyskerdiń quqyqtary qorǵaldy. Olarǵa 4 mlrd 448,6 mln teńge tólendi.