Ustalǵan adamnan 80 dana polıetılen baılamdary tárkilendi.
Almatynyń patrúldik polıseıleri iri esirtki satýshyny ustady, dep habarlaıdy Almaty-akshamy.kz Polisia.kz-ke silteme jasap.
Kúdikti saǵat úsh jarymda Almaty qalasynyń turǵyn alabynda ustaldy. "Býran-082" patrúldik ekıpajy "Aqsaı" yqshamaýdanyndaǵy turǵyn úılerdiń aýlasynda er adamdy baıqap qaldy. Ol polısıa qyzmetkerlerin kóre sala, jasyrynbaq boldy.
«Patrúl qyzmetkerleri kúdikti adamdy ustady. Ol ózimen birge esirtki bar ekendigin moıyndady. Áýezov aýdandyq PB-nyń tergeý-jedel toby ustalǵan azamatty jeke tintý barysynda untaqty zaty bar 80 dana polıetılen baılamdaryn tárkiledi. Ustalǵan adamnyń ózi baılamdarda «Jyldamdyq» sıntetıkalyq esirtki zaty ekendigin aıtty. Sondaı-aq ol qalanyń ártúrli núktelerine shópti taratýshy ekenin túsindirdi. Qazirgi ýaqytta tárkilengen zattarǵa sot-hımıalyq saraptama taǵaıyndaldy. Jedel bólimsheler qalaǵa esirtkiniń jetkizilý arnasyn jáne taralý geografıasyn belgileıtin bolady», – dedi Almaty qalalyq PD JPQB patrúldik polısıa polkiniń komandıri Baýyrjan Hantemirov.
PD bul derektiń QR QK-niń 296-baby 2-bóligi boıynsha sotqa deıingi tergeýdiń biryńǵaı tizilimine tirkelgenin habarlady.