Onlaın-kazıno túrindegi zańsyz oıyn bıznesin uıymdastyrǵandar ustaldy.
Qarjy monıtorıń agenttiginiń baspasóz qyzmetiniń aqparatyna saı, oıyndarǵa qatysý saıttarda jarıalanǵan Telegram arnasynda jarna tóleý úshin jasalǵan silteme arqyly iske asqan.
«Tólem kartshottarǵa jáne elektrondyq ámıanǵa jiberilgen, ony toltyrǵannan keıin oıyndarǵa qatysý úshin logın men paról jasaqtalady. Bás tigýler men utystardy tóleý sheteldik tulǵalardyń kartshottary arqyly júzege asyrylǵan.
Atyraý, Aqtóbe jáne Aqtaý qalalarynyń aýmaǵynda tintý júrgizilip, onyń barysynda zattaı aıǵaqtar – oıyn baǵdarlamalary bar noýtbýkter, sheteldik tulǵalar men Qazaqstan azamattaryna berilgen banktik qosymshalary bar telefondar alyndy», delingen habarlamada.
Vedomstvonyń habarlaýynsha, barlyq jyljymaly jáne jyljymaıtyn múlikke jalpy somasy 167 mln teńgege tyıym salyndy. Uıymdastyrýshylar men qatysy bar tulǵalarǵa tıesili ekinshi deńgeıli bankterdegi barlyq shottarǵa da tyıym salynǵan.
«Onlaın» qumar oıyndary táýlik boıy júrgizilip, kúndelikti aınalymy shamamen 800 000 teńgeni quraǵan. Zańsyz oıyn bıznesin uıymdastyrýǵa paıdalanylǵan kart shottarǵa túsken qarajattyń jalpy somasy 3 mlrd teńgeden asady.
Kúdiktiler ustalyp, ýaqytsha ustaý ızolátoryna qamaldy. Olarǵa qatysty sot 2 aı merzimge «qamaý» bultartpaý sharasyna sanksıa berdi», dep habarlady QMA.
Aıte keteıik, QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.