Almaty qalasy Densaýlyq saqtaý basqarmasy nárestelerge emizik emes, rezeńke qolǵap beriledi degen qaýesetti joqqa shyǵardy
Áleýmettik jelilerde Almatydaǵy perınatalogıa jáne balalar kardıohırýrgıasy ortalyǵynda reanımasıada jatqan jańa týǵan sábılerge emiziktiń ornyna rezeńke qolǵaptar beriletini týraly aqparat tarady. Almaty qalasynyń Densaýlyq saqtaý basqarmasyn bul aqparatty joqqa shyǵardy, dep habarlaıdy almaty-akshamy.kz stopfake.kz silteme jasap.
Vedomstvonyń habarlaýynsha, ortalyqta jatqan birde-bir balaǵa emiziktiń ornyna rezeńke qolǵap berilmegen.
– Almaty qalasynyń Qoǵamdyq densaýlyq saqtaý basqarmasy men Perınatalogıa jáne balalar kardıohırýrgıasy ortalyǵynyń pasıentterdi qoldaý jáne ishki aýdıt qyzmeti osy oqıǵa boıynsha tergeý júrgizdi. Atap aıtqanda, stasıonarda jatqan jańa bosanǵan áıelder men medısınalyq qyzmetkerlerge suraqtar qoıylyp, jaýaptar alyndy, áleýmettik jelidegi osy jarıalanymǵa qatysty barlyq beınekameralar qaraldy. Ortalyq ana men balanyń málimetterin alý úshin post avtoryna habarlasty. Alaıda, avtor qandaı da bolmasyn aqparatty berýden bas tartty. Sondaı-aq barlyq jańa týǵan náresteler analarynyń janynda bolyp, ana sútin emetinin aıta ketken jón. Náreste kúvezde, balalar reanımasıasynda, jańa týǵan náresteler patologıasy bólimshesiniń qarqyndy terapıa palatalarynda jatqan jaǵdaıda, olarǵa neonatolog pen medbıkelerdiń kútim kórsetip, baqylaıdy, beınebaqylaý júrgiziledi. Beınejazbalardy qaraý kezinde bul fakti rastalǵan joq, – delingen Densaýlyq saqtaý basqarmasynyń habarlamasynda.