AHAT fýnksıalary Memlekettik korporasıaǵa berilgennen keıin qyzmet kórsetý tártibi týraly Almaty qalasynyń Óńirlik komýnıkasıalar qyzmeti alańynda ótken brıfıńte Almaty qalasy boıynsha «Azamattarǵa arnalǵan úkimet» memlekettik korporasıasynyń ókilderi aıtty, dep habarlaıdy almaty-akshamy.kz
Nekeni tirkeýge ótinishterdi qabyldaý, óńdeý, sondaı-aq sheshimder qabyldaý jáne nátıjelerdi berýdi AHAT organdary atqarady.
«Esterińizge sala keteıik, 1 shildeden bastap AHAT fýnksıalary Memlekettik korporasıaǵa beriletin bolady. Bul rette nekeni tirkeý úshin ótinish berý rásimi ózgerissiz qalady. Olar aýdandyq jáne qalalyq AHAT bólimderi oryndaıdy. Budan basqa, elektrondyq úkimet portaly arqyly onlaın ótinish berý múmkindigi saqtalady», - dedi Almaty qalasy boıynsha «Azamattarǵa arnalǵan úkimet» memlekettik korporasıasy fılıaly dırektorynyń orynbasary Ásem Bolatbekova.
Spıkerdiń sózinshe, AHAT fýnksıasyn HQO-larǵa berýdiń basty sebebi - sıfrlandyrýǵa kóshi prosesin júzzege asyrý.
«AHAJ fýnksıalarynyń Memlekettik korporasıaǵa berilýiniń basty sebepteriniń biri – AHAT elektrondyq bazasynda júrgizilgen sıfrlandyrýdyń sapasyzdyǵy. Atap aıtqanda, sapasyz skanerlengen qujattar, qate derekter engizý, ózgerister tirkelmegen. Aıta ketý kerek, qujattar 1937 jyldan bastap skanerlenip, bazaǵa engizilip keledi», - dep tolyqtyrdy ol.
Sıfrlandyrýmen QR sıfrlyq damý, ınovasıalar jáne aeroǵarysh ónerkásibi mınıstrligi men Memlekettik korporasıa qyzmetkerleri aınalysatyn bolady. Bul adamdardy artyq qujattarmen áýrelemeı, mekemeden mekemege júgirtpeı-aq memlekettik organdar aqparat ala alatyn, taza, ózekti derekter bankin qurýǵa múmkindik beredi.
Aıta keteıik, nekege turǵysy keletinder tirkeýshi organǵa jeke basyn kýálandyratyn qujattarmen birge kelýi kerek. Bul nekeni tirkeýdiń belgilengen kúninde jasalýy qajet. Ótinish bergen kezde klıent neke qıýdy saltanatty túrde nemese múldem jasamaýdy tańdaı alady.
Aıta ketý kerek, nekeni tirkeý (nekeni tirkeýge ótinishterdi qabyldaý, óńdeý, sheshim qabyldaý jáne nátıje shyǵarý) AHAT bólimderinde qoldanystaǵy tártippen júzege asyrylady. Tıisinshe, HQKO-larda saltanatty tirkeý júrgizilmeıdi.
«Nekege turǵan adamdar óz qalaýy boıynsha saltanatty jaǵdaıda tirkeýshi organdardyń arnaıy jabdyqtalǵan oryndarynda nemese arnaıy taǵaıyndalǵan memlekettik neke saraılarynda tirkele alady. Kýálik berýdiń naqty ýaqyty men osy rásimdi saltanatty jaǵdaıda ótkizý sharty ótinish bergen kezde aldyn ala kelisiletinin atap ótemiz. Nekeni saltanatty jaǵdaıda tirkeý mindetti rásim bolyp tabylmaıdy jáne taraptardyń qalaýy boıynsha júzege asyrylady», - dep túsindirdi Á.Bolatbekova.
Sonymen qatar, AHAT qyzmetterin tek qana tirkeýshi organnyń qyzmetkerleri kórsetedi. HQKO operatorlaryn qosa alǵanda, Memlekettik korporasıanyń basqa qyzmetkerleri AHAT aqparattyq júıesine qol jetkize almaıdy. Jeke ómir, jeke otbasylyq ómiri men otbasylyq qupıasy zańnyń qorǵaýynda bolady.
«Aıtpaqshy, qyzmet kórsetý standarttary, olardy qaraý tártibi men merzimderi ózgerissiz qalady. Budan basqa, memlekettik korporasıada AHAT qyzmetkerlerine júktemeni azaıtýǵa múmkindik beretin qosymsha shtattyq birlikter qarastyrylǵan», - dep atap ótti spıkerler.
Tarıfterge keletin bolsaq, AHAT-ta tegin ári aqylaı qyzmetter bar. Mysaly, 1 shildeden bastap nekeni tirkeý 3874 teńge, al ózara kelisim boıynsha nekeni buzý 7728 teńge bolady. Týýdy, ólimdi tirkeý sıaqty áleýmettik mańyzdy qyzmetter tegin qalady.