2040 jylǵa qaraı Qazaqstanda sý tutyný 46 paıyzǵa artady.
QR Ekologıa, geologıa jáne tabıǵı resýrstar mınıstri Serikqalı Brekeshev Qazaqstan aýmaǵynda qansha tekshe shaqyrym jerasty sý qory bar ekenin aıtty, dep habarlaıdy Almaty-akshamy.kz QazAqparatqa silteme jasap.
«El ishinde 17 myńnan astam ózen, 4 myń kól jáne jalpy aýdany 1 mln sharshy shaqyrym, kólemi 187 tekshe shaqyrym bolatyn 2,6 myń muzdyq bar. Boljamdy qory 58 tekshe shaqyrym bolatyn 4,3 myńnan astam jerasty sýynyń oryndary bar. Sonyń ishinde 15,7 tekshe shaqyrymy paıdalanýǵa jaramdy dep bekitilgen», - dedi mınıstr Májiliste ótip jatqan parlamenttik tyńdaýda.
Onyń aıtýynsha, sý sharýashylyǵy kesheniniń ınfraqurylymy damyp keledi.
«Shamamen 6 myń sý sharýashylyq obektisi kólemi 1 mln tekshe mekterden asatyn 300-den astam sý qoımasy bar. Kópjyldyq ortasha ózen resýrstary jylyna 102,3 tekshe shaqyrym bolady. Onyń 54,5 teksheshaqyrymy - ishki aǵyn bolsa, 47,8 tekshe shaqyrymy - Ortalyq Azıadan, Reseıde jáne Qytaıdan keledi. Qazaqstan transshekaralyq aǵymdarǵa táýeldi. Ásirese, ómir súrý jaǵdaıy sýmen qamtylýǵa tikeleı táýeldi ońtústik jáne batys óńirlerdiń táýeldiligi joǵary», - dedi vedomstvo basshysy.