Qazaqstandyq tenısshiler Denıs Evseev pen Beıbit Jýkaev juptyq synda Kanzas shtaty Ýıchıto qalasynda (AQSH) ótip jatqan ITF týrnıriniń jartylaı fınalyna shyqty, dep habarlaıdy Almaty-akshamy.kz QazAqparatqa silteme jasap.
Jarystyń úshinshi raketkalary bolyp tirkelgen qazaqstandyq jup shırek fınalda ulybrıtanıalyq Devıd Foks – japonıalyq Súıtı Sekıgýtımen sheberlik baıqasty. Birinshi partıada D.Evseev pen B.Jýkaev 6:3 esebimen basym tústi.
Ekinshisinde de sol qarqyndarynan jańylǵan joq – 6:2. Mach bir saǵatqa jýyq ýaqytqa sozyldy. Qazaqstandyq jup fınalǵa shyǵý úshin dodanyń ekinshi raketkalary, taıbeılik Súı Iýı Iýı – japonıalyq Iýta Shımızýmen talasady. Eske sala keteıik, budan buryn qazaqstandyq tenısshilerdiń AQSH-taǵy týrnırdi jeńispen bastaǵanyn, Anna Danılınanyń Eýropadaǵy jarystyń fınalyna joldama alǵanyn jazǵan bolatynbyz. Sondaı-aq AQSH-taǵy týrnırdiń shırek fınalynda qazaqstandyq tenısshiler ózara kezdesedi.