5,5 mıllıonǵa jýyq ırandyq koronavırýs juqtyrǵan.
KVI-ǵa shaldyqqan álem azamattarynyń sany 231 mıllıon adamnan asty, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Iran
Iranda pandemıa bastalǵannan beri 5,5 mıllıonǵa jýyq adam koronavırýs ınfeksıasyn juqtyrdy. Ótken táýlikte COVID-19 vırýsynyń 16 362 jaǵdaıy anyqtaldy. Búgingi tańda elde aýrýshańdyqtyń jalpy kórsetkishi 5 493 591 adamǵa deıin ósti. Densaýlyq saqtaý mınıstrliginiń málimetinshe, koronavırýs 118 508 adamnyń ómirin qıdy, onyń ishinde ótken táýlikte 317 adam aýrý saldarynan kóz jumdy. 6 586 pasıent reanımasıalyq bólimshelerde em qabyldaýda. 33 343 104 ırandyq COVID-19 vırýsyna qarsy vaksınanyń kem degende bir dozasyn aldy, 14 938 853 adam vaksınasıanyń tolyq kýrsynan ótti.
Germanıa
Germanıa turǵyndarynyń 78%-dan astamy koronavırýsqa qarsy vaksınanyń birinshi dozasymen egildi, olardyń 40%-y - 12 jastan asqan jasóspirimder. Azamattardyń 63,6%-ejy tolyq vaksınasıadan ótti. 18 jastan asqan turǵyndar arasynda ishinara nemese tolyq egilgenderdiń úlesi 78,3% quraıdy. Bir kún buryn 260,5 myń adam COVID-19 vaksınasyn aldy. Ótken táýlikte Germanıada vırýs juqtyrýdyń 10 696 jańa jaǵdaıy anyqtaldy, olardyń jalpy sany 4,17 mıllıon adamnan asty. Germanıa bıligi covid-19 vırýsyna qarsy vaksınasıalanbaǵan turǵyndardy ekpeniń aýrýǵa qarsy tıimdiligin túsindirý boıynsha jumystar júrgizýde.
Argentına
Argentınada eresek turǵyndardyń 50%-y koronavırýsqa qarsy vaksınasıanyń tolyq kýrsynan ótti. Biraq bul COVID-19 ınfeksıasynyń taralýyn toqtatý úshin jetkiliksiz. KVI juqtyrý derekteriniń sany 5 246 998-ge jetti, pandemıa bastalǵannan beri ólim-jitimniń jalpy sany 114 772 quraıdy. Argentınada úsh vaksına tirkelgen jáne jappaı vaksınasıalaý úshin reseılik «Spýtnık V», AstraZeneca jáne qytaılyq Sinopharm vaksınasy qoldanylady. «Spýtnık V» - eń tanymal preparat. Jalpy, elde reseılik vaksınanyń 6,9 mıllıon dozasy qoldanyldy.
Reseı
Reseıde aımaqtarda covid-19 aýrýynyń ósýi baıqalady. Rospotrebnadzor Ortalyq ǵylymı-zertteý ınstıtýtynyń epıdemıologıa jónindegi dırektorynyń orynbasary Aleksandr Gorelovtyń aıtýynsha, epıdemıologıalyq jaǵdaıdy odan ári damytý máselesi vaksınasıa deńgeıine baılanysty bolady, koronavırýstyń jańa shtamdarynyń paıda bolýyn eshteńe toqtata almaıdy.
«Bizde 8 apta boıy koronavırýspen turaqty jaǵdaı qalyptasty, degenmen qazir ósý tendensıasy baıqalady. Ázirge ol ártúrli óńirlerde 6-7% quraıdy, biraq mundaı óńirler sany 36-ǵa jetti», - dep atap ótti Aleksandr Gorelov.