Dese de, almatylyqtarǵa erkinsýge bolmaıdy.
Shahardaǵy epıdemıologıalyq ahýal az da bolsa jaqsarǵany týraly qalanyń bas sanıtar dárigeri Jandarbek Bekshın aıtty, dep habarlady Almaty-akshamy.kz Almaty.tv silteme jasap.
Almatyda epıdemıalogıalyq ahýal, ótken aımen saımen salystyrǵanda, sál de bolsa turaqtalǵan. Infeksıalyq stasıonarlarda qazir 5 myńnan astam tósek-oryn bar. Koronavırýstan emdelip jatqan naýqastar sany – 2219. Jalpy reanımasıa jáne qarqyndy terapıa bóliminde 223 adam bar. Onyń 140-y ókpeni jasandy jeldetý apparatyna qosylǵan.
Sońǵy aqparatqa sáıkes, ekpe alǵan qala turǵyndarynyń sany 940 myńǵa jýyqtady. Bul – jalpy almatylyqtardyń 47 paıyzy. Aıta keteıik, vaksına alý qarqyny boıynsha Almaty kósh bastap tur.