Uıymdastyrýshylar kópshilikke almadan jasalǵan túrli dám usyndy
Dúnıejúzilik aspaz kúni men halyqaralyq alma kúnin Almaty oblysynyń jurty atap ótti, dep habarlaıdy almaty-akshamy.kz Almaty.tv-ge silteme jasap.
Qos merekeni ushtastyrǵan uıymdastyrýshylar kelgen kópshilikke almadan jasalǵan túrli dám usynyp, dastarhan jaıdy. İs-sharaǵa estrada juldyzdary da qatysyp, merekelik jıynnyń kórkin qyzdyrdy.
– Uzyndyǵy 100 metrdeı shtrýdel ázirledik. Alma kúni bolǵandyqtan, túrli taǵam jasadyq, – dedi bas aspaz Almas Osıpov.
Aspazdardyń alýan túrli qıalynan týǵan taǵamdardan bólek, demalýshylarǵa shyǵarmashylyq buıym usynyldy. Ulttyq naqyshtaǵy kıim men kıizden jasalǵan ártúrli týyndyny tamashalaǵan jurt is-sharanyń distúrge aınalǵanyn qalaıdy.
– Almatynyń almalarynan jasalǵan mázirdi demalýshylarǵa, qarapaıym qonaqtarǵa usynaıyn dep jatyrmyz. Bolashaqta mádenı is-sharalardy jalǵastyramyz, – dedi saýyqtyrý kesheniniń prezıdenti Iakov Sterlıkov.