Polısıa qyzmetkerleri 19 medısınalyq pıpetka men shprıs tárkiledi
Almaty qalasy Túrksib aýdanynyń turǵyny esirtki óndirý oshaǵyn uıymdastyrǵany úshin ustaldy, dep habarlaıdy Almaty-akshamy.kz PD-niń baspasóz qyzmetine silteme jasap.
Esirtkini satyp alǵany jáne satqany úshin birneshe ret sotty bolǵan 39 jastaǵy B. esimdi azamatsha esirtki óndirý oshaǵyn uıymdastyrǵany jáne qamtamasyz etkeni úshin ustaldy. Atalǵan derek boıynsha Túrksib aýdandyq PB tergeý bóliminde QR QK-niń 302-baby 1-bóligi (Esirtki, psıhotroptyq zattardy, sol tektesterdi tutyný úshin prıtondar uıymdastyrý nemese olardy ustaý jáne osy maqsattar úshin úı-jaılar berý) boıynsha qylmystyq is qozǵaldy.
«Áıel úıin nashaqorlarǵa berip, sıntetıkalyq esirtki satýmen aınalysqan. “Sońǵy satyp alýda” kúdikti men onyń dosy turaqty tutynýshyǵa aq untaqty jáne erekshe ıisi bar polıetılen býmasyn satqan. Saraptama qorytyndysyna sáıkes, bul – sıntetıkalyq esirtki», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Ustalǵan sátte úıdiń ishinde páterdiń ıesinen basqa úsh er adam bolǵan. Olar esirtkige masań kúıde boldy. Ruqsat etilgen tintý kezinde polısıa qyzmetkerleri 19 medısınalyq pıpetka men shprıs tárkiledi.