Qoqystan shyqqan órt kórshi dúkenderge taraǵan
«Baqorda» saýda úıiniń aýmaǵyndaǵy qoqys pen dúkennen shyqqan órt 6 mınýtta óshirildi, dep habarlaıdy Almaty-akshamy.kz.
Almaty qalasy Tótenshe jaǵdaılar departamentiniń málimetinshe, 16 qyrkúıek kúni saǵat 14:45-te órt sóndirýshiler Alataý aýdany Rysqulov dańǵylyndaǵy órt bolyp jatqan jerge attanǵan.
«Qoqystan shyqqan órttiń kórshi dúkenderge taraǵany s aǵat 14:54-te anyqtaldy. Onyń biri - úsh qabatty kólik bólshekterin satatyn dúken. Órt 6 mınýt ishinde sóndirilip, saǵat 15:09-da tolyq joıyldy. Órttiń saýda oryndaryna taralýyna jol berilmedi. Onyń shyǵý sebebi anyqtalýda», - dep habarlady TJD baspasóz qyzmeti.
Vedomstvo órt jalynynan konteınerge qoıylǵan qosalqy kabına men jaqyn jerde turǵan eki kólik zaqymdanǵanyn habarlady.