MÁMS 4 myń reprodýktıvtik qyzmetti qarjylandyrdy
Bul týraly Densaýlyq saqtaý mınıstrligi MÁMS qyzmetin úılestirý departamentiniń dırektory Gúljan Shaıhybekova Ortalyq komýnıkasıalar qyzmetiniń alańynda ótken baspasóz máslıhaty barysynda málimdedi, dep habarlaıdy Almaty-akshamy.kz BAQ.KZ-ke silteme jasap.
«Júıe engizilgen 2,5 jyl ishinde qarqyndy jumys júrgizilip jatyr. Medısınanyń barlyq problemalaryn mundaı ýaqyttyń ishinde sheshý múmkin emes. Alaıda qazir MÁMS qarajaty esebinen adamdar buryn tek aqyly túrde ǵana qoljetimdi bolǵan medısınalyq qyzmetterge qol jetkize alady. «Ańsaǵan sábı» baǵdarlamasy boıynsha 7 myń EKO prosedýrasy jasaldy», - dep atap ótti vedomstvo ókili.
Aıtýynsha, qor 4 myń reprodýktıvtik qyzmetti qarjylandyrǵan.
«MÁMS 4 myń reprodýktıvtik qyzmetti qarjylandyrdy. Ár jasalǵan EKO baǵdarlamasynyń artynda densaýlyq jaǵdaıy men prosedýranyń qymbattylyǵyna sebepti ata-ana ataný baqytyn ańsaǵan otbasy tur», - dedi departament basshysy.