Sondaı-aq kórme uıymdastyryldy
Memlekettik ortalyq mýzeıinde 1916 jylǵy Torǵaı ýezinde ótken «ult-azattyq» kóterilistiń bas sardary, teńdik jolyndaǵy kúresker batyr - Amangeldi Imanovtyń týǵanyna 150 jyl tolýyna oraı «Halyqtyń uly, has batyry Amangeldi» ádebı-sazdy keshi ótti, dep habarlaıdy Almaty-akshamy.kz.
Ádebı-sazdy keshtiń qurmetti qonaqtary A.Imanovtyń jıen nemeresi Altynbaeva Sáýle Sábıtqyzy, eńbek ardageri, qoǵam qaıratkeri, Qurmet ordeniniń ıgeri, ult janashyry - Sarqytbaeva Dárıa Ábiqulqyzy men aqyn, sazger, jýrnalıs Amanǵazy Káripjanáýletiniń, P.Chaıkovskıı atyndaǵy Almaty mýzyka kolejiniń dırektordyń orynbasary Rahymbaeva Gúlnar Bazarbaıqyzy sóz sóıledi.
Ádebı-sazdy keshte Qurmanǵazy atyndaǵy Qazaq ulttyq konservatorıasy jáne P.Chaıkovskıı atyndaǵy Almaty mýzyka kolejiniń stýdentteri atalǵan is sharanyń ótýine at salysyp, óz ónerlerin kórsetti. Sonymen qatar, Qazaq ulttyq konservatorıasynyń túlegi, kúıshi A.Imanovtyń jerlesi, arnaıy Torǵaı óńirnen kelgen Ermek Qazmuhambetov 1916 jylǵy kóteriliske arnalǵan «Iýn jarlyǵy» kúıin oryndap, kesh qonaqtaryn tamsandyrdy.
Kesh sońynda kelgen qonaqtar Ortalyq mýzeıdiń «Qazaqstan tarıhyn zertteý» bólimi uıymdastyrǵan kórmeni tamashalady. Kórmede Torǵaı kóterilisiniń jetekshileri men onyń qatysýshylarynyń tarıhı rólin aıǵaqtaıtyn foto-materıaldar qoıyldy. Kórme tamashalaýshylar A.Imanovtyń ómirimen tanys bolyp qana qoımaı, jeke zattarymen de jaqyn tanysty.