Almaty qalasy boıynsha QAJD Almaly aýdandyq probasıa qyzmetkerleri kómekke muqtaj K. esimdi sottalǵanǵa qaıyrymdylyq kómek kórsetti.
Probasıa qyzmetkerleri kámelettik jasqa tolmaǵan tórt balasy bar sottalǵannyń balalaryna jyly kıimder men aıaq kıimder tartý etti, dep habarlaıdy Almaty-akshamy.kz.
Polisia.kz málimeti boıynsha, azamat K. 2021 jyly Jambyl aýdandyq sotynyń úkimimen QR Qylmystyq kodeksiniń 188-baby 1-bóligimen jáne QK-niń 60-baby 1-bóligimen 2 jylǵa bas bostandyǵyn shekteý jazasyna sottalǵan bolatyn.
«Meniń balalaryma qajetti zattar ákelip, qaıyrymdylyq kómek kórsetken Almaly aýdandyq probasıa qyzmetiniń ujymyna alǵysymdy bildiremin. Ózim de bolashaqta qatelikke urynbaı, balalaryma jaqsy tárbıe beremin», – deıdi sottalǵan K.