Almaty qalasynyń soty ustalǵan Ulttyq ekonomıka mınıstriniń orynbasary İlıas Óserovti 2 aı merzimge úıqamaqqa alý týraly sheshim shyǵardy, dep habarlaıdy Almaty-akshamy.kz Almaty sotynyń baspasóz qyzmetine silteme jasap.
«10 sáýirde Almaty qalasynyń mamandandyrylǵan aýdanaralyq tergeý sotyna Sybaılas jemqorlyqqa qarsy is-qımyl agenttiginen kúdikti İ. Óserovke qatysty 2 aı merzimge úı qamaǵyna alý túrindegi bultartpaý sharasyn qoldaný týraly Almaty qalasy prokýrorynyń orynbasary kelisken ótinish kelip tústi», - delingen habarlamada.
«Ótinish qanaǵattandyryldy. Kúdiktige qatysty eki aı merzimge, ıaǵnı 2023 jylǵy 10 maýsymǵa deıin bultartpaý sharasy qoldanyldy», - deıdi sottan.
Buǵan deıin habarlaǵanymyzdaı, Sybaılas jemqorlyqqa qarsy is-qımyl agenttiginiń baspasóz qyzmeti Ulttyq ekonomıka vıse-mınıstri İlıas Óserovtiń ustalǵanyn rastaǵan edi.