Táýelsizdik kúni merekesi qarsańynda Almaty HQO-lary qyzmet alýshylarǵa kóterińki kóńil-kúı syılady
Memlekettik korporasıa Táýelsizdik kúnine oraı aksıa uıymdastyrdy. Osylaısha, tańerteńnen bastap HQO qyzmetkerleri jeke kýáligin alǵash ret alǵan klıentterge «Qazaqstan» shokolady men kádesyı jalaýlaryn taratýǵa kiristi. Dástúrge aınalǵan bul is-shara óskeleń urpaqtyń patrıottyq sezimin oıatýǵa baǵyttalǵan.
“Mereke qarsańynda qalanyń 8 aýdanynda ornalasqan front- ofısterinde merekelik shara ótkizdik. Qyzmet alýshylardy, onyń ishinde alǵash ret jeke kýálik alyp jatqan jastardy quttyqtadyq. Qujatpen birge Qazaqstannyń rámizderi beınelengen shaǵyn syılyqtardy tabys etip, merekelik kóńil-kúı syıladyq. Mereke qarsańynda 480-nen astam almatylyq kámelet jasyna tolyp, alǵash ret jeke kýálikterin aldy. Olardyń eresek ómirge basqan qadamdaryna sáttilik aıtyp, táýelsiz elimizge kirish bop qalanyp, Qazaqstannyń laıyqty azamattary bolýyna tilek bildirdik», - deıdi «Azamattarǵa arnalǵan úkimet» memlekettik korporasıasy Almaty qalasy fılıalynyń dırektory Abdýrasýl Kýldashov.
Kádesyı alǵan jastar eresek ómirge basqan qadamy osyndaı jaǵymdy tosynsyımen bastalǵanyna qýandy. Jalpy Almaty HQO-larynda kóterińki kóńil-kúı syılaıtyn merekelik atmosferany baıqaýǵa bolady.